महासमुंद के छात्र योगेश साहू ह मेडिकल स्टाफ के मदद बर बनाईस रोबोट

महासमुंद, 08 अप्रैल 2020। एएनआई के बताती महासमुंद म फाइनल ईयर इंजीनियरिंग के छात्र योगेश साहू ह मेडिकल स्टाफ के मदद बर एक रोबोट बनाए हे। अभी के स्थिति ल देखत योगेश साहू के कहना हे के डॉक्टर मन मनखे मन ल बचाए बर अपन जान जोखिम म डालत हें। मैं ह ऊंखर बर कुछ करना चाहत रहेंव इही खातिर मैं ह ये रोबोट बनाए हंव। योगेश साहू ह ये रोबोट ल अपन दू संगवारी मन के संग मिलके एकर निर्माण करे हें। एला बनाए म उमन ल करीबन 5000 रूपिया लगे हे। योगेश के कहना हे के हम रोबोट ल सीधा इंटरनेट ले जोड़ सकत हवन, फेर एला कहू ले भी संचालित करे जा सकत हे। डॉक्टर मन ये मा कैमरा के माध्यम ले मरीज मन ले बातचीत तको कर सकत हें अऊ एकर माध्‍यम ले दवा तक देहे जा सकत हे।