बौद्धिक संपदा, नवाचार अऊ प्रौद्योगिकी केंद्र (CIIT) के उद्घाटन

रायपुर, हिदायतुल्ला नेशनल लॉ यूनिवर्सिटी, रायपुर ह वर्चुअल प्रोग्राम ले 26 अपरेल के विश्व बौद्धिक संपदा दिवस के बारे म बताईस। ये कार्यक्रम एचएनएलयू सेंटर फॉर इंटेलेक्चुअल प्रॉपर्टी, इनोवेशन एंड टेक्नोलॉजी (CIIT) के औपचारिक उद्घाटन घलोक रहिस। एचएनएलयू रिसर्च हब 25 अपरेल के ये कार्यक्रम के मुख्य अतिथि के रूप में पेटेंट, डिजाइन अऊ ट्रेडमार्क महानियंत्रक डॉ. उन्नत पी पंडित रहिन, वर्चुअल उद्घाटन के बाद “इन कन्वर्सेशन” शीर्षक ले एक बातचीत होइस, जेला “EX ARCA” (मने बॉक्स ले बाहिर) मंच के तहत होस्ट करे गए रहिस )।
एचएनएलयू म एचएनएलयू सेंटर फॉर इंटेलेक्चुअल प्रॉपर्टी, इनोवेशन एंड टेक्नोलॉजी (सीआईआईटी) के उद्देश्य कानून, प्रबंधन, प्रौद्योगिकी अऊ विज्ञान के क्षेत्र म हितधारक मन के क्षमता निर्माण खातिर एक महत्वपूर्ण भूमिका निभाना हे अऊ हितधारक मन ल लाभ पहुंचाए खातिर नवाचार अऊ मुद्रीकरण के उदीम ल प्रेरित करना हे।
एचएनएलयू म एक प्रमुख आईपी फैकल्टी प्रो गरिमा पंवार ह बौद्धिक संपदा अधिकार म अनुसंधान, शिक्षण अऊ वकालत विकसित करे बर संरचना अऊ लक्ष्य के व्याख्या करिन, विशेष रूप से नीति अऊ अभ्यास के उचित परिणाम खातिर विनिर्माण, खनन अऊ पारंपरिक ज्ञान के भौगोलिक ताकत के बारे म बताइन। कार्यक्रम के बारे म बोलत प्रो विवेकानंद ह कहिन कि “ये केंद्र के उद्घाटन एचएनएलयू रिसर्च हब के एक जीवंत अनुसंधान समूह के शुरुआत के निसानी ये अऊ पेटेंट नियंत्रक के उपस्थिति अनुसंधान केंद्र के रोल आउट खातिर एक शानदार शुरुआत ये।”
अपन उद्घाटन भाषण म प्रो. डॉ. उन्नात पी पंडित ह कहिन कि “ये केंद्र के स्थापना भारत के नवाचार अऊ आईपीआर के क्षेत्र में महत्वपूर्ण हे अऊ ए केंद्र के अनुसंधान अउ इहां ले पढ़ के निकले लइका मन नीति निर्माता मन बर एक महत्वपूर्ण भूमिका निभाही।
कार्यक्रम के स्वागत भाषण प्रो. डॉ. उदय शंकर, रजिस्ट्रार, एचएनएलयू करिन अऊ वोट ऑफ थैंक्स प्रो. डॉ. विष्णु करिन, डीन पीजी स्टडीज एंड रिसर्च, एचएनएलयू ह दीन। कार्यक्रम के संचालन डिजीटल@एचएनलू टीम कोति ले प्रो अनीता सिंह अऊ प्रो अंकित अवस्थी मन करिन।