बेमेतरा जिला के गांव खैरझिटी कला प्राथमिक शाला के विद्यार्थी मन बर मोहल्ला क्लास के शुभारंभ

बेमेतरा, 9 सितंबर 2020। साजा के संकुल केंद्र नवागांव कला के ग्राम खैरझिटी कला म प्राथमिक शाला के विद्यार्थी मन बर मोहल्ला क्लास के शुभारंभ ग्राम पंचायत भवन खैरझिटी कला म करे गिस हे। मोहल्ला क्लास म 12 लइका उपस्थिति रिहिस हे। शिक्षक अगम दास मारकंडे ह क्लास के शुभारम्भ करिन। सबो लइका मन ल पहली क्लास लगत ही अपन हाथ ल सिनेटाइजर कइसे करना हे येला बतइस अउ रोज मास्क लगा के आना हे। उकर बाद म लइका मन के क्लास ल चालू करिन। सबो लइका मन ल सोशल डिसटेन्स के पालन करात हुए अध्यापन के काम ल चालू करिन। संग म ही लइका मन ल सामान्य जानकारी घलो देवत हे अउ लइका मन ल लाऊडस्पीकर ले घलो अध्यापन करावत हे। नवा नाव वीडियो ले घलो अध्यापन काम करावत हे, तेकर ले लइका मन अच्छा तरीका ले समझ सके। शिक्षक मारकंडे ह शिक्षा विभाग के डाहर ले दे गे दिशा निर्देश ले अध्यापन काम ल करात हे।