रायपुर- इंकम टैक्स डिपार्टमेंट ह रायपुर के महापौर एजाज ढेबर, शराब कारोबारी पप्पू भाटिया, आईएएस अधिकारी अनिल टूटेजा, गुरूचरण होरा, कमलेश जैन, संध्या संचेती के करीब एक दर्जन ठिकाना मन म छापेमार कार्रवाई करे हे. ये कार्रवाई म आईटी के बड़े टीम सामिल हे. अचानक छापामार कार्रवाई ले राजनीतिक अउ कारोबारी जगत म हड़कंप मच गए हे. छत्तीसगढ़ विधानसभा के बजट सत्र के बीच होय ये कार्रवाई ले कई तरह के सियासी मायने भी निकाले जावत हे.
इंकम टैक्स ले जुड़े सूत्र बताथे कि ये कार्रवाई के पहली अधिकारी मन ह सर्विलेंस रखे रहिन. कई दिन के जुटाए इनपुट्स के आधार म छापा के ये कार्रवाई करे गिस. सूत्र बताथे हे कि इंटेलीजेंस ब्यूरो के इनपुट्स के आधार म केंद्रीय इंकम टैक्स ह ये छापा मारे हे. बताए जावत कि पाॅलिटिकल फंडिग ल लेके ये बड़े कार्रवाई करे जावत हे. ये छापा के बेरा स्थानीय पुलिस ल दूर रखे गए हे अउ सीआरपीएफ के दो सौ ले अधिक जवान मन ल ये कार्रवाई म सामिल करे गए हे।
गौरतलब हे कि मध्यप्रदेश- छत्तीसगढ़ म 962 लोग मन के सूची इंकम टैक्स डिपार्टमेंट ह तैयार करे हे. जो हाई रिस्क म हे. जोन म ले 264 नाम छत्तीसगढ़ के हे. ये उही नाम हे, जोन पिछला वित्तीय वर्ष म बड़े ट्रांजेक्शन अउ इनवेस्टमेंट करे हे. लेकिन एखर बाद भी अब तक रिटर्न दाखिल नई करिन. छत्तीसगढ़ दौरा के बेरा प्रधान मुख्य आयकर आयुक्त ह कहे रहिन कि पूरा सूची उमन अपन फील्ड अधिकारी मन ल दे दिए हे. जोन लोग मन के नाम सूची में हे, उंखर मन के खिलाफ नोटिस जारी करके उंखर टैक्स वसूले जाए.
