बस्तर जिला: दलहनी फसल के रकबा म बढ़ोतरी, 3503 हेक्टेयर म होवत हे खेती

जगदलपुर, भारत विश्व म दलहन के सबले बड़े उत्पादक अउ उपभोक्ता ये। इहां के अधिकांश जनसंख्या ल प्रोटीन के पूर्ति दलहन ले ही होथे। छत्तीसगढ़ म किसान मन ल हर मजबूत बनाए बर प्रदेश सरकार सरलग उदीम करत हे। एकरे सेती धान के फसल के संगेच किसान मन ल दलहन के फसल बर सरलग गिलोली करे जात हे।
बस्तर जिला म घलोक कृषि विभाग ह सरलग किसान मन ल प्रशिक्षण अउ प्रदर्शन के माध्यम ले प्रोत्साहित करके जिला म दलहनी फसल के रकबा म बढ़ोतरी बर सरलग उदीम करत है। जिला म दलहन के रकाब साल 2015-16 म 2674 हेक्टेयर रहिस जेन साल 2020-21 म 3503 हेक्टयर हो गे। जिला म मुख्यतः चना उड़द अउर मूंग के खेती करे जात हे। दलहन म पानी के कम खपत होथे। सूखा क्षेत्र मन म घलव दलहन उगाए जा सकत हे। ये माटी म नाइट्रोजन संरक्षित करके मृदा के उर्वरता म सुधार करथे। एखर से उर्वरक के जरूरत कम होथे। ते पाए के विभाग ह दलहन उत्पादन बर सरलग किसान मन ल प्रोत्साहित करत हे।