मुख्यमंत्री श्री बघेल के निर्देश म लगातार ड्यूटी करत पुलिस कर्मी मन के नाश्ता अऊ भोजन के दर म करे गीस बढ़ोतरी

रायपुर, 04 मई 2020। मुख्यमंत्री श्री भूपेश बघेल ह लगातार ड्यूटी करके कानून व्यवस्था बनाए रखे म महत्वपूर्ण भूमिका निभावत पुलिस कर्मी मन के निःशुल्क नाश्ता, मंझनिया अऊ रात के जेवन के पूर्व स्वीकृत दर म बढ़ोतरी करे के निर्देश गृह विभाग ल देहे हें। मुख्यमंत्री के निर्देश म जल्दी अमल करत गृह विभाग ह पुलिस कर्मी मन के नाश्ता के पूर्व स्वीकृत दर 15 रूपिया प्रति प्लेट ले बढ़ाके 20 रूपिया प्रति प्लेट कर देहे गीस। अइसनहे मुझनिया के भोजन के पूर्व स्वीकृत दर 30 रूपिया प्रति प्लेट ले बढ़ाके 50 रूपिया प्रति प्लेट अऊ रात के जेवन के पूर्व स्वीकृत दर 30 रूपिया प्रति प्लेट ल बढ़ाके दैनिक व्यय सीमा 70 रूपिया करे गए हे। पुलिस कर्मी मन बर नाश्ता अऊ भोजन बर पूर्व स्वीकृत दर 8 फरवरी 2013 ले लागू रहिस, मुख्यमंत्री श्री बघेल के निर्देश म गृह विभाग कोति ले ये मां बढ़ोत्तरी करे गए हे।