वनोपज सकेले ले वनवासी मन बर बाढ़ गे रोजगार के अवसर: वन मंत्री श्री अकबर

अब तक 1.32 लाख संग्राहक मन करीबन 73 हजार क्विंटल वनोपज के करे हें संग्रहण

रायपुर, 28 अप्रैल 2020। वन मंत्री श्री मोहम्मद अकबर ह बताए हें के कोरोना लॉकडाउन के ये संकट के घड़ी म सरकार ह लघु वनोपज के समर्थन मूल्य म खरीदी अऊ नगद भुगतान के प्रक्रिया ले वनांचल के वनवासी-ग्रामीण मन ल बिकट राहत मिलत हे। संगेच वनोपजों के संग्राहक मन बर रोजगार के अवसर घलोक बाढ़ गे हे।

प्रदेश म चालू सीजन म अब तक एक लाख 32 हजार 272 संग्राहक मन करीबन 21 करोड़ रूपिया के 72 हजार 727 क्विंटल वनोपज के संग्रहण होए हे। एमां लक्ष्य के मुताबिक सबले जादा संग्रहण वाले 5 वनमण्डल मन म नारायणपुर, दंतेवाड़ा, केशकाल, दक्षिण कोण्डागांव अऊ बालोद वनमण्डल सामिल हे। अब तक नारायणपुर वनमण्डल म लक्ष्य के 43 प्रतिशत मने 3 करोड़ 36 लाख रूपिया के 10 हजार 995 क्विंटल, दंतेवाड़ा म 26 प्रतिशत मने 3 करोड़ 10 लाख के 10 हजार 68 क्विंटल अऊ केशकाल म लक्ष्य के 20 प्रतिशत मने एक करोड़ 94 लाख रूपिया के 6 हजार 571 क्विंटल वनोपज मन के संग्रहण हो गे हे। एखर अलावा वनमण्डल दक्षिण कोण्डागांव म लक्ष्य के 20 प्रतिशत मने 3 करोड़ 37 लाख रूपिया के राशि के 11 हजार 203 क्विंटल अऊ वनमण्डल बालोद म लक्ष्य के 18 प्रतिशत मने 19 लाख रूपिया के राशि के 900 क्विंटल वनोपज के संग्रहण करे गए हे।

अइसनहे राज्य म अब तक संग्रहित वनोपज मन ले करीबन एक लाख 32 हजार संग्राहक लाभान्वित होए हें। एमां वनमण्डलवार लाभान्वित संग्राहक मन म नारायणपुर म 11 हजार 109, दंतेवाड़ा म 22 हजार 496, केशकाल म 8 हजार 489, दक्षिण कोण्डागांव म 13 हजार 721 अऊ बालोद म एक हजार 294 सामिल हें। वनमण्डलवार जगदलपुर म 12 हजार 345, पूर्व भानुप्रतापपुर म 3 हजार 286, कांकेर म 6 हजार 727, सुकमा म 10 हजार 352, पश्चिम भानुप्रतापपुर म 4 हजार 68, खैरागढ़ म एक हजार 729, धमतरी म एक हजार 672 अऊ बीजापुर म 10 हजार 551 संग्राहक लाभान्वित होए हें। वनमण्डलवार कवर्धा म 552, रायगढ़ म 980, कोरबा म 7 हजार 32, राजनांदगांव म एक हजार 824 अऊ गरियाबंद म एक हजार 776 संग्राहक मन वनोपज के संग्रहण करे हें।

वनमण्डलवार बिलासपुर म 969, बलौदाबाजार म 707, कटघोरा म 949, सूरजपुर म 3 हजार 175, कोरिया म 515, मरवाही म एक हजार 63, अऊ सरगुजा म 509 संग्राहक लाभान्वित होइन हे। एखर अलावा वनमण्डलवार जशपुर म एक हजार 176, महासमुंद म 188, बलरामपुर म एक हजार 956, धरमजयगढ़ म 617 अऊ मनेन्द्रगढ़ म 445 संग्राहकों कोति ले वनोपजों के संग्रहण करे गीस हे। राज्य म चालू साल म सबसे कम समर्थन मूल्य योजना के अंतर्गत संग्रहित छोटे वनोपजों म इमली (बीज सहित), पुवाड़ (चरोटा), महुआ फूल (सूखा), बहेड़ा, हर्रा, कालमेघ, धवई फूल (सूखा), नागरमोथा, इमली फूल, करंज बीज अऊ शहद सामिल हे। एखर अलावा बेल गुदा, आंवला (बीज रहित), रंगीनी लाख, कुसुमी लाख, फुल झाडु, चिरौंजी गुठली, कुल्लू गोंद, महुआ बीज, कौंच बीज, जामुन बीज (सूखा), बायबडिंग, अऊ साल बीज सामिल हे।