मनरेगा ले बदलिस किस्मत : साय सरकार के योजना मन ले रामफल बनिस आत्मनिर्भर किसान

गौ पालन ले बाढि़स आमदनी, सुरक्षित पशुशेड बनिस स्थायी आजीविका के आधार
कवर्धा, साय सरकार के ग्रामीण विकास उन्मुख नीति मन आज गांव मन म आम जनजीवन ल नवा आयाम देवत हे। इही योजना मन के माध्यम ले कवर्धा जिला के पंडरिया विकासखंड के ग्राम पंचायत चारभाठाखुर्द के गौपालक रामफल के जिंदगी घलोक बदल गए हे। महात्मा गांधी राष्ट्रीय ग्रामीण रोजगार गारंटी योजना मनरेगा के तहत बने पशुशेड ह ओ मन ल न केवल स्थायी रोजगार देहे हे, बल्कि पशुधन के सुरक्षा अऊ आय बढ़ोतरी के मजबूत जरिया घलोक बन गए हे।
साय सरकार कोति ले ग्रामीण आजीविका ल प्रोत्साहित करत मनरेगा जइसे योजना मन के प्रभावी क्रियान्वयन ले आज कई परिवार आत्मनिर्भर बनत हें। इही म ले एक हे रामफल, जे ह पहिली मजदूरी करके अपन जीवन चलात रहिस, फेर अब गौपालक बनके सम्मानजनक आय अर्जित करत हे। पंचायत कोति ले मनरेगा योजना ले 68,500 रुपिया के स्वीकृति के बाद अकटूबर 2023 म पशुशेड निर्माण शुरू होइस अऊ मात्र एक महिना म ये काम पूरा कर ले गीस।
निर्माण काम ले न केवल रामफल ल 48 मानव दिवस के रोजगार मिलीस, बल्कि गांव के आन परिवार मन ल घलोक 12 मानव दिवस तक रोजगार के लाभ मिलीस। ए काम ले श्रमिक मन ल 7,500 रूपिया के मजदूरी प्राप्त होइस जेखर से ग्रामीण अर्थव्यवस्था ल नवा गति मिलीस।
पक्का अऊ हवादार पशुशेड बन जाय ले रामफल ल अपन पशुधन के पूरा सुरक्षा के भरोसा मिलीस। अब वोखर परिवार ल 3,000 ले 4,000 रूपिया मासिक के आमदनी दूध बेचके होवत हे, अऊ अपन उपयोग खातिर घलोक भरपूर दूध उपलब्ध हे। अकतहा आमदनी ले ओ अपन दू एकड़ खेती म उत्पादन बढ़ाए म सफल होवत हे। सरकार के योजना मन ले मिले ए सफलता ह वोखर परिवार के आर्थिक स्थिति ल सुदृढ़ बनाय हे।
रामफल कहत हे, “साय सरकार के योजना मन ह हम जइसे गांव वाले मन ल नवा आत्मविश्वास देहे हे। पहिली पशु मनल बारिश अऊ सर्दी ले बचाना मुश्किल होत रहिस, अब पक्का शेड होए ले ये दिक्कत नइ होवय। जेखर से हम सुरक्षित अऊ स्थायी आय के संग आगू बढ़त हन।” गांव के मनखे घलोक मानत हें के साय सरकार के जनहितकारी नीति मनह रोजगार के अवसर बढ़ाए हे अऊ आज ग्रामीण अर्थव्यवस्था नवा ऊर्जा के संग आगू बढ़त हे।