दिल्ली, 25 मई 2021। इजराइल अऊ भारत के बीच कृषि क्षेत्र म सरलग साझेदारी ल आगू बढ़ात, दुनों देश के सरकार ह कृषि म अपन सहयोग ल अऊ मज़बूत करे उपर सहमति व्यक्त करे हें। दुनों देश के सरकार ह कृषि सहयोग म विकास बर तीन साल के कार्य योजना के समझौता उपर दस्कत करे हें। ये समझौता ले दुनों देश के बीच सरलग बाढ़त साझेदारी के संग कृषि अऊ जल क्षेत्र मन म काम होही।
भारत अऊ इजरायल ह “भारत-इजरायल कृषि परियोजना उत्कृष्टता केंद्र” अऊ “भारत-इजराइल उत्कृष्टता गांवों” ल लागू करत हे। एकीकृत बागवानी विकास मिशन-एमआईडीएच, कृषि अऊ किसान कल्याण मंत्रालय, भारत सरकार, अऊ एमएएसएचएवी- अंतर्राष्ट्रीय विकास सहयोग बर इज़राइल के एजेंसी – इज़राइल के सबले बड़े जी2जी सहयोग के सियानी करत हे, जेमां भारत के 12 राज्य मन म 29 परिचालन केंद्र (सीओई) हे, जेन स्थानीय परिस्थिति के मुताबिक इजरायली कृषि-प्रौद्योगिकी के संग प्रगतिशील-सघन खेती-बाडी ल लागू करत हे। हर साल, ये उत्कृष्टता केंद्र 25 मिलियन ले जादा गुणवत्ता वाले सब्जी के पौधा, 387 हजार ले जादा गुणवत्ता वाले फल के पौधा के उत्पादन करत हे अऊ 1.2 लाख ले जादा किसान मन ल बागवानी के क्षेत्र म एकदम नवा तकनीक के बारे म प्रशिक्षित करत हे।
कृषि अऊ किसान कल्याण मंत्री श्री नरेंद्र सिंह तोमर ह कहे हें के कृषि क्षेत्र हमेशा भारत बर प्राथमिकता वाले क्षेत्र रहे हे। भारत सरकार के कृषि नीती के सेती कृषि क्षेत्र अऊ किसान मन के जीवन म एक निश्चित बदलाव आए हे। किसान मन के आय बढ़ाना प्रधानमंत्री श्री नरेन्द्र मोदी के संकल्प हे। कृषि मंत्री ह कहिन के भारत अऊ इजरायल के बीच 1993 ले कृषि क्षेत्र म द्विपक्षीय संबंध हे। ये पांचवां आईआईएपी हे। श्री तोमर ह कहिन, “अब तक, हमन 4 कार्य योजना मन ल सफलतापूर्वक पूरा करे हन। ये नवा कार्य योजना कृषि क्षेत्र म कृषक समुदाय के लाभ बर दुनों देशों के बीच द्विपक्षीय संबंध अऊ आपसी सहयोग ल अऊ मजबूत करही। इजरायली आधारित कार्य योजना मन के तहत स्थापित ये उत्कृष्टता केंद्र किसान मन के आय ल दुगुना करे म महत्वपूर्ण भूमिका निभाही। भारत अऊ इजरायल के बीच प्रौद्योगिकी के आदान-प्रदान ले बागवानी के उत्पादकता अऊ गुणवत्ता म काफी सुधार होही, जेखर से किसान मन के आय म बढ़ोतरी होही।”
इजराइल ह हमर देश के खेती म सहयोग करही: बछर 2021 ले 2023 तक के योजना
