- ‘लोकतांत्रिक भारत म जाति अऊ राजनीति’ विसय उपर होही चर्चा
- पुरस्कार विजेता, विद्वान अऊ कार्यकर्ता श्री सूरज येंगडे संचालित करहीं विशेष चर्चा सत्र
- इंडिया कॉन्फ्रेंस 15-16 फरवरी के मनावत हे अपन स्थापना के 17 वां वर्षगांठ
- सम्मेलन म 1000 ले जादा मनखे संघरहीं: 100 ले जादा विशेषज्ञ करहीं विचार साझा
रायपुर, 10 फरवरी 2020। छत्तीसगढ़ के संगे-संग देश बर ये गर्व के विसय हे कि मुख्यमंत्री श्री भूपेश बघेल 15-16 फरवरी के दुनिया के प्रमुख विश्वविद्यालय नगर हार्वर्ड म आयोजित ‘इंडिया कॉन्फ्रेंस’ के विशेष चर्चा सत्र म भाग लेहीं। मुख्यमंत्री श्री बघेल ‘लोकतांत्रिक भारत म जाति अऊ राजनीति’ विसय म 15 फरवरी के मंझनिया 01.05 बजे ले 01.50 बजे तक लिटाउर पहिली तल के मुख्य पैनल म अपन विचार साझा करहीं।
ऊंखर चर्चा सत्र के संचालन बहुत अकन प्रतिष्ठित पुरस्कार विजेता, विद्वान अऊ कार्यकर्ता श्री सूरज येंगडे करहीं। श्री येंगडे ह जेनेवा, लंदन अऊ न्यूयॉर्क म प्रमुख अंतरराष्ट्रीय संगठन मन के संग काम करे हें। ओ मन कास्ट: ए ग्लोबल जर्नल ऑफ सोशल एक्सक्लूजन के सहयोगी संपादक हें। ऊंखर लेखन ल इंडिया टुडे, द इंडियन एक्सप्रेस, हिंदुस्तान टाइम्स, इकोनॉमिक एंड पॉलिटिकल वीकली, अल जजीरा, द हिंदू, हफिंगटन पोस्ट, मेल अऊ गार्जियन अऊ आन प्रमुख प्रकाशन म प्रमुखता ले प्रकाशित करथें। श्री येंगडे हार्वर्ड केनेडी स्कूल म इनिश्यिेटिव फॉर इंस्टीट्यूशनल एंटी-रेसिज्म एंड एकाउंटेबिलिटी के शोरेनस्टीन सेंटर के पोस्ट-डॉक्टरल फेलो हे।
मुख्यमंत्री भूपेश बघेल 15 फरवरी के हार्वर्ड केनेडी स्कूल- 79 जॉन एफ कैनेडी सेंट, कैम्ब्रिज, एमए म ये बातचीत के मेजबानी करहीं। इंडिया कॉन्फ्रेंस (भारत सम्मेलन) असली रूप ले संयुक्त राज्य अमेरिका म भारत उपर ध्यान केंद्रित करइया सबले बड़े छात्र-सम्मेलन म ले एक हे। ‘इंडिया कॉन्फ्रेंस’ के आयोजन हार्वर्ड बिजनेस स्कूल अऊ हार्वर्ड केनेडी स्कूल म हार्वर्ड विश्वविद्यालय के स्नातक छात्र मन कोति ले करे जात हे।
इंडिया कॉन्फ्रेंस ये साल अपन 17 वां वर्षगांठ मनावत हे। इंडिया कॉन्फ्रेंस 15 अऊ 16 फरवरी, 2020 के आयोजित करे जात हे, जेमां 1000 ले जादा मनखे उपस्थित रइहीं अऊ 100 ले जादा वक्ता मन महत्वपूर्ण विषय मन उपर अपन विचार अऊ जानकारी साझा करहीं। सम्मेलन म बिजनेस लीडर, मनोरंजन क्षेत्र के पेशेवर, सरकारी अधिकारी, परोपकारी, अऊ कई आन नेता मन ल एक संग लाए गए हे जेकर से वैश्विक नेतृत्व बर भारत के मार्ग के बारे म बातचीत हो सकय। इंडिया कॉन्फ्रेंस के 2019 सम्मेलन म 1000 ले जादा मनखे सामिल होए रहिन, सम्मेलन ल शानदार सफलता मिले रहिस।