भारत अंतर्राष्ट्रीय व्यापार मेला म चमकही छत्तीसगढ़: उद्योग, संस्कृति अऊ मिलेट कैफे होही मुख्य आकर्षण

रायपुर, नई दिल्ली के भारत मंडपम म 14 ले 27 नवंबर तक आयोजित भारत अंतर्राष्ट्रीय व्यापार मेला म ए पइत छत्तीसगढ़ पवेलियन आकर्षण के केंद्र रहिही। “एक भारत, श्रेष्ठ भारत” थीम उपर आधारित ये पवेलियन राज्य के औद्योगिक विकास, निवेश संभावना अऊ समृद्ध सांस्कृतिक विरासत मन ल प्रदर्शित करही।
इहां आगंतुक मन ल नवा औद्योगिक नीति, एमएसएमई सेक्टर, वनोपज उत्पाद, हस्तशिल्प, खादी ग्रामोद्योग अऊ पर्यटन अवसर मन के जानकारी मिलही। मेला म मिलेट कैफे विशेष आकर्षण रहिही, जेमां कोदो, कुटकी, रागी अऊ संवा जइसे लघु धान्य उत्पाद प्रदर्शित करे जाही।
24 नवंबर के छत्तीसगढ़ दिवस मनाए जाही, जेमां राज्यपाल, मुख्यमंत्री अउ मंत्रीमंडल के सदस्य सामिल होही। संस्कृति विभाग कोति ले आयोजित सांस्कृतिक कार्यक्रम मन ले छत्तीसगढ़ के लोककला अऊ परंपरा देश-दुनिया के आगू झलकही।