इंडिया टूडे साहित्य वार्षिकी रचना उत्सव अउ सम्मान समारोह म मुख्यमंत्री होइन सामिल

हिन्‍दुस्‍तान अऊ भारतीय संस्कृति ल आगू बढ़ाय म अपन भूमिका तय करव: श्री भूपेश बघेल
मुख्यमंत्री ह छत्तीसगढ़ के पांच विभूति मन ल संस्कृति सम्मान ले करिस सम्मानित

रायपुर, मुख्यमंत्री श्री भूपेश बघेल आज इहां न्यू सर्किट हाऊस के कन्वेंशन हाल म इंडिया टूडे गु्रप कोति ले आयोजित साहित्य वार्षिकी रचना उत्सव अउ सम्मान समारोह कार्यक्रम म सामिल होइन। उमन कार्यक्रम म मनखे मन ले आव्हान करिन कि ओ मन हिन्‍दुस्‍तान अऊ भारतीय संस्कृति ल आगू बढ़ाय म अपन भूमिका तय करयं अऊ जऊन जरूरी हे, वइसनहे खच्चित करयं।

मुख्यमंत्री ह ए अवसर म इंडिया टुडे कोति ले छत्तीसगढ़ के महान विभूति मन म पण्डवानी गायिका पद्मविभूषण श्रीमती तीजन बाई, पुरातत्वविद् पद्मश्री श्री अरूण कुमार शर्मा, रंगकर्मी श्री मिर्जा मसूद, लेखक अऊ कवि श्री विनोद कुमार शुक्ल अऊ पुरातत्वविद श्री राहुल सिंह ल स्मृति चिन्ह अऊ शॉल भेंट करके ‘संस्कृति सम्मान’ ले सम्मानित करिन।

श्री विनोद कुमार शुक्ल के सम्मान ऊंखर पुत्र श्री शाश्वत शुक्ल ह ग्रहण करिस। ए कार्यक्रम म छत्तीसगढ़ी भाखा के फेमस कवि श्री सुरेन्द्र दुबे, हिन्दी के कवि डॉ. विष्णु सक्सेना, उर्दू शायर श्री राहत इंदौरी, लोक गायिका सुश्री मेघा श्रीराम डाल्टन ह कार्यक्रम प्रस्तुत करिन।

इंडिया टुडे गु्रप एडिटर श्री राज चिंगप्पा ह स्वागत भाषण दीस। आभार प्रदर्शन इंडिया टुडे हिन्दी के सम्पादक श्री अंशुमन तिवारी ह करिस।

लउछरहा..