भारत ह एशिया कप 2025 म सरलग 3 मैच जीतके बनाइस इतिहास

एशिया कप म भारतीय बास्केटबॉल टीम सेमीफाइनल म पहुंचिस
एशिया कप म महासमुंद के दिव्या भारतीय बास्केटबॉल टीम म सामिल
महासमुंद, अंडर 16 वूमेंस एशिया कप 2025 के आयोजन मलेशिया म 13 ले 19 सितमबर 2025 तक आयोजित करे जात हे, जेमां भारतीय बास्केटबॉल टीम के अंडर 16 महिला बास्केटबॉल टीम म छत्तीसगढ़ ले महासमुंद जिला के दिव्या रंगारी पिता विनोद रंगारी सामिल हे। एखर अलावा भारतीय टीम म तमिलनाडु, कर्नाटका, केरल, महाराष्ट्र, गुजरात, तेलंगाना के खिलाड़ी सामिल हे। एशिया कप म सरलग 3 मैच जीतके भारतीय टीम ह इतिहास रच देहे हे अऊ सेमीफाइनल म पहुंच गए हे। 
एशिया कप म इंडिया टीम शानदार खेल खेलत पहिली मैच म ईरान ल 70 – 67 अंक ले हराइस, दूसर मैच म इंडिया ह उज्बेकिस्तान ल 81- 69 अंक ले हराइस, तीसर मैच म इंडिया ह समोआ ल 71 – 54 के बड़े अंतर ले हराके सेमीफाइनल म प्रवेश करिस। एशिया कप म सरलग 3 मैच जीतके भारतीय टीम ह इतिहास रच देहे हे अऊ सेमीफाइनल म पहुंच गए हे। भारतीय टीम 18 सितंबर के सेमीफाइनल मैच खेलेही। 3 मैच जीतके बनाय इतिहास म प्रदेश म खुशी के लहर हे। सेमीफाइनल म प्रवेश करे म छत्तीसगढ़ प्रदेश बास्केटबॉल संघ के श्री राजीव जैन अध्यक्ष, चेयरमैन श्री विजय अग्रवाल, श्री नरेश डाकलिया, श्री राजीव चौबे, श्री राजेश गौर, भारतीय टीम के मुख्य प्रशिक्षक अनिथा पॉलदुरई, सहायक प्रशिक्षक श्री रोहित अऊ श्री उमा कांत, सांसद श्रीमती रूपकुमारी चौधरी, विधायक महासमुंद श्री योगेश्वर राजू सिंहा, कलेक्टर महासमुंद, जिला बास्केटबॉल संघ महासमुंद के अध्यक्ष अऊ खिलाड़ी मन ह महिला बास्केटबॉल टीम अऊ दिव्या रंगारी शुभकामना देहे हें।