मुख्यमंत्री श्री भूपेश बघेल ह पूर्व प्रधानमंत्री श्रीमती इंदिरा गांधी ल उंखर जयंती म करिन नमन

रायपुर, मुख्यमंत्री श्री भूपेश बघेल ह पूर्व प्रधानमंत्री श्रीमती इंदिरा गांधी ल उंखर जयंती मनमन करिन। मुख्यमंत्री श्री भूपेश बघेल आज अपन निवास कार्यालय म देश के पहली अऊ एकमात्र महिला प्रधानमंत्री भारतरत्न स्वर्गीय श्रीमती इंदिरा गांधी के जयंती के अवसर म ऊंखर फोटू म फूल चढ़ा के ओ मन ल नमन करिन । उमन श्रीमती इंदिरा गांधी के व्यक्तित्व अऊ कृतित्व ल सुरता करत कहिन कि इंदिरा जी ह अपन कुशल नेतृत्व, दूरदर्शिता, पक्का इरादा अऊ तीक्ष्ण बुद्धिकौशल ले भारत ल अंतर्राष्ट्रीय पटल म नवा ऊंचाई तक पहुंचाए रहिन । उमन आजीवन गरीब अऊ समाज के कमजोर वर्ग के उत्थान बर प्रयास करिन अऊ देश के एकता अऊ अखण्डता के रक्षा बर अपन जीवन न्यौछावर कर दीन। श्रीमती इंदिरा गांधी जी के जन्मदिन कौमी एकता के रूप म मनाए जाथे।
ये बेरा म छत्तीसगढ़ गृह निर्माण मण्डल के अध्यक्ष श्री कुलदीप जुनेजा, विधायक डॉ के के ध्रुव, महापौर श्री एजाज ढेबर, छत्तीसगढ़ अल्पसंख्यक आयोग के अध्यक्ष श्री महेन्द्र छाबड़ा अऊ छत्तीसगढ़ पर्यटन मण्डल के अध्यक्ष श्री अटल श्रीवास्तव घलोक उपस्थित रहिन ।