मुख्यमंत्री ह विश्व आदिवासी दिवस के मौका म करिन घोषणा
वनोपज मन के संग्रहण, प्रसंस्करण अऊ मार्केटिंग ले वनवासी मन के समृद्धि के खुलही नवा दुवार
अनुसूचित क्षेत्र के विकासखण्ड म होही वनोपज प्रसंस्करण केन्द्र मन के स्थापना
10 हजार गांव मन म बनही युवा मन के समूह: 5 ले 6 लाख मनखे जुड़हीं
योजना ले 19 लाख परिवार ल जोड़े के लक्ष्य
समूह मन ल देहे जाही वृक्ष प्रबंधन के अधिकार
वनवासी मन के खुशहाली अऊ वनांचल के गांव मन ल स्वालंबी बनाए के पहल
जल जंगल जमीन ही नहीं बल्कि वनवासी मन ल हमन शासन-प्रशासन के ताकत घलोक सौंपेन: मुख्यमंत्री
वनाधिकार देवाए म छत्तीसगढ़ पूरा देश म अव्वल
रायपुर, 9 अगस्त 2020। मुख्यमंत्री श्री भूपेश बघेल ह आज विश्व आदिवासी दिवस के मौका म राज्य म वनवासी मन के खुशहाली अऊ वनांचल के गांव मन ल स्वावलंबी बनाए के उद्देश्य ले इंदिरा वन मितान योजना शुरू करे के घोषणा करिन। मुख्यमंत्री ह कहिन के ये योजना के तहत राज्य के आदिवासी अंचल के दस हजार गांव म युवा मन के समूह गठित करके ऊंखर माध्यम ले वन आधारित जम्मो आर्थिक गतिविधि मन के संचालन करे जाही। ए समूह मन के माध्यम ले वनवासी मन के स्वरोजगार अऊ उंखर समृद्धि के नवा रद्दा खुलही। ये योजना के तहत समूह मन के माध्यम ले वनोपज के खरीदी, ओखर प्रसंस्करण अउ मार्केटिंग के व्यवस्था सुनिश्चित करे जाही। राज्य के हर एक आदिवासी विकासखण्ड मन म वनोपज प्रसंस्करण केन्द्र के स्थापना करे के लक्ष्य सरकार ह रखे हे।
