जगदलपुर, 03 फरवरी 2021। राष्ट्रीय ग्रामीण आजीविका मिशन ’’बिहान’’ के माँ दंतेश्वरी अऊ माँ गायत्री स्व-सहायता समूह ह रोजगार अऊ स्व-रोजगार ले महिला मन ल जोड़े बर उदीम करे जात हे। जिला प्रशासन के दिशा निर्देश अऊ मार्गदर्शन म समूह के महिला मन ल स्व-रोजगार ले जोड़े अऊ आत्मनिर्भर बनाए बर जिला म कई प्रशिक्षण के संचालन करे जात हे। इही कड़ी म विकासखंड बकावंड के ग्राम सांड्रा के महिला स्व-सहायता समूह के महिला मन ल हाथ ले धूपबत्ती अऊ अगरबत्ती बनाना सिखाए जात हे। जानबा हे के मशीन ले बने अगरबत्ती के अपेक्षा मनखे मन म हाथ के बने अगरबत्ती मन के मांग जादा हे।
मुख्य कार्यपालन अधिकारी जिला पंचायत श्री इंद्रजीत चंद्रवाल के मार्गदर्शन म एनआरएलएम ह ग्राम सांड्रा के तीस जरुरतमंद महिला मन ल हाथ के बने अगरबत्ती बनाए के प्रशिक्षण देहे गए हे। प्रशिक्षण के समय म ही ओ मन ल बाजार के मांग अऊ आपूर्ति, भण्डारण अऊ खाताबही के विसय म घलोक सिखाए जात हे संगेच बने समान मन ल प्रायोगिक तौर म जिला के हाट-बाजार अऊ दुकान मन म प्रशिक्षु महिला मन बेंचत हें। महिला मन ल व्यापार के बारीकी ल समझाए जात हे। जानबा हे के लऊहे ए समान मन ह ऑनलाइन प्लेटफार्म म घलोक उपलब्ध करवाया जाएगा।
एनआरएलएम के नोडल अधिकारी नेहा देवांगन ह बताइस के अभी हाले म जिला म आयोजित मड़ई अऊ मेला मन म महिला मन अगरबत्ती बेंचे बर स्टाल घलोक लगाए गए रहिस। ये दौरान महिला मन ह मनखे मन ले सुझाव घलोक लेहे रहिन ताकि जरूरत मुताबिक गुणवत्ता म सुधार घलोक करे जा सकही। हाथ के बने अगरबत्ती मन ल बनेच प्रतिसाद मिले हे जेखर से महिला मन के उत्साह बाढ़ना लाजमी हे। बाजार ले हट के बस्तर धूप, लोभान, जड़ी बूटी, मच्छर अगरबत्ती अऊ गाय के गोबर ले धूपबत्ती के निर्माण करे जात हे।
ए अगरबत्ती अऊ धूपबत्ती ले वातावरण शुद्ध अऊ सुगंधित होथे, एकाग्रता बाढ़थे, कीटाणु मन के नाश होथे, पूजा पाठ, प्राथना अऊ ध्यान म सहायक होथे। वैज्ञानिक मन ह ये सिद्ध करे हें के गाय के सूखा गोबर जलाए ले वातावरण मे ऑक्सिजन के मात्रा म बढ़ोतरी होथे अऊ कीटाणु, फंगस, वायरस के नाश होथे। कोरोना काल म आयुष मंत्रालय ह घलोक घर आफिस म धूप जलाए के दिशा निर्देश देहे हे। ये कारण ए धूपबत्ती अऊ अगरबत्ती मन के महत्व अऊ बाढ़ जाथे। ए अगरबत्ती अऊ धूपबत्ती के निर्माण शुद्ध प्राकृतिक तत्व ले करे जात हे अऊ हानिकारक रसायन मन ले मुक्त हे। ए अगरबत्ती अऊ धूपबत्ती ल बाजार म अच्छा प्रतिसाद मिलत हे। जिला प्रशासन के ये पहल ले समूह के महिला मन के आय म बढ़ोतरी होए हे।
सांड्रा के महिला मन होवत हें सशक्त, अगरबत्ती-धूपबत्ती बना के जुड़त हें स्व-रोजगार ले
