वाणिज्य उद्योग अऊ श्रम मंत्री श्री लखन लाल देवांगन बालको नगर म वरिष्ठ नागरिक कल्याण समिति के 18 वां स्थापना दिवस म होइन सामिल
भवन बर 10 लाख अऊ 4 एसी अउ 2 टीवी देहे के घोषणा
कोरबा, 09 सितमबर 2024। जेन समाज म सियान मन के मान सम्मान होथे, उही समाज तरक्की करथे। इनकर उपर आदर भाव जगा के हम अपन सभ्यता अऊ संस्कृति के संरक्षण कर सकत हन। सियान मन के सम्मान ही हमर संस्कृति के परिचायक हे। आज लइका मन बर पहिली गुरू ओखर माता-पिता होथे। दादा-दादी अउ नाना-नानी लइका मन म संस्कार के सीख देथें। ये बात वाणिज्य उद्योग अऊ श्रम मंत्री श्री लखन लाल देवांगन ह बालको नगर स्थित अनुभव भवन म वरिष्ठ नागरिक कल्याण समिति के 18 वां स्थापना दिवस के अवसर म मुख्य अतिथि के आसंदी ले कहीन। मंत्री श्री लखन लाल देवांगन ह समिति के अनुभव भवन म बने नवनिर्मित भवन के फीता काटके लोकार्पण करिन। समिति के मांग म भवन के ऊपरी तल म अकतहा भवन निर्माण बर 10 लाख रूपिया विधायक निधि ले देहे के घोषणा करिन। संगेच 4 एयर कंडीशनर अऊ 2 टीवी देहे के घलोक घोषणा करिन।
