सुकमा, 1 मई 2020। परंपरा के मुताबिक लईका के जनम म सगा-सहोदर मन शगुन के रूप म उपहार देथें जेला नान्हें लईका के मंगल कामना के रूप म देहे जाथे। ये बात ल खयाल रखत जिला प्रशासन के स्वास्थ्य अमला ह नवा जनमे लइका ल सुरक्षा किट उपहार स्वरूप देहे के बिचार करे हे। एखर से लइका के माता-पिता अपन लइका के सुरक्षा के भरोसा लेके स्वास्थ्य केंद्र ले घर जावंय। ये नवाचार के तहत आज जिला अस्पताल सुकमा म स्वास्थ्य सेवा के बस्तर संभाग के संयुक्त संचालक डॉ. विवेक जोशी ह माता मन ल नवजात शिशु सुरक्षा किट उपहार स्वरूप प्रदान करिस। ये बेरा म जिला चिकित्सा अउर स्वास्थ्य अधिकारी डॉक्टर से बी बंसोड़, डीपीएम रोहित कुमार वर्मा संग आन चिकित्सा कर्मी उपस्थित रहिन।
आज जिला अस्पताल सुकमा म ग्राम जरलोड़ी के श्रीमती अनीता पति श्री दिलीप, दोरनापाल के श्रीमती वंदना पति श्री विकास अऊ ग्राम कोडरीपाल के श्रीमती भीमे पति श्री सन्ना ल उपहार स्वरूप नवजात शिशु सुरक्षा किट प्रदान करे गीस।