लॉकडाउन म दिव्यांग लइका मन के ऑनलाईन पढ़ई बर होवत हे नवाचार

रायपुर, 09 अप्रैल 2020। राज्य म नोवेल कोरोना वायरस (कोविड-19) के संक्रमण ल धियान म रखत दिव्यांग कल्याण के सबो शासकीय अउ अशासकीय संस्था मन म अध्ययन-अध्यापन काम स्थगित हे। एला देखत दिव्यांग अऊ विशेष जरूरत वाले लइका मन ल बहुत अकन नवाचार मन के माध्यम ले ऑनलाइन पढ़ई कराए जात हे। ऑनलाइन पढ़ई बर शिक्षक मन ह पाठ्यक्रम मुताबिक विषयवार ऑडियो-वीडियो तियार करे के संगेच किफायती शिक्षण सहायक सामान तियार करे हें। संगेच संवाद बर शिक्षक, लइका अऊ अभिभावक मन के वाट्सअप ग्रुप बनाय गए हे। जानबा हे के प्रदेश म निःशक्त कल्याण के क्षेत्र म कार्यरत् शासकीय संस्था मन म 847 आवासीय अऊ 241 गैर आवासीय कुल एक हजार 88 विद्यार्थी अध्ययनरत हें। अभी हाल म कई कारन ले घर नइ जा सके 32 लइका मन संस्था म रहि के अध्ययन करत हें। बांचे लइका मन ल एक अप्रैल ले ऑनलाईन माध्यम ले शिक्षा देहे जात हे।