धमतरी, 21 जून, 2024। बोर्ड परीक्षा मन म बेहतर परिणाम बर धमतरी जिला म मिशन अव्वल के नवाचार करे गए हे, येला बहुतेच सहराए जाए चाही। लइका मन ल आगू बढ़त देखना बहुत अच्छा लगथे। जीवन म आगू बढ़े बर दू सबले महत्वपूर्ण सूत्र हे कड़ा मेहनत अऊ इच्छा शक्ति। ये बात मुख्यमंत्री श्री विष्णु देव साय ह धमतरी जिला प्रशासन कोति ले आयोजित मिशन अव्वल समारोह के अवसर म मेधावी छात्र-छात्रा मन के सम्मान के अवसर म कहीन।
ए मौका म सुपर 30 के संस्थापक श्री आनंद कुमार घलोक मौजूद रहीन। संगेच ए मौका म पूर्व विधायक श्रीमती रंजना दीपेन्द्र साहू, श्री इंदरचंद चोपड़ा, श्री श्रवण मरकाम, श्रीमती पिंकी शाह संग आन जनप्रतिनिधि मौजूद रहीन। संगेच कलेक्टर सुश्री नम्रता गांधी अऊ एसपी श्री आंजनेय वार्ष्णेय मौजूद रहीन।
