बेमेतरा, 26 अक्टूबर 2020। छत्तीसगढ़ शासन के महत्वाकांक्षी योजना सुराजी गांव के तहत नरवा, गरुवा, घुरुवा, अऊ बाड़ी योजना म बेमेतरा जिला के जनपद पंचायत साजा अंतर्गत संचालित गौठान ग्राम पंचायत रौद्रा (मोतेसरा), माटरा (खपरीलोधी), देउरगांव अऊ नौकेशा के मुख्य कार्यपालन अधिकारी जिला पंचायत बेमेतरा श्रीमती रीता यादव ह जांच करिन। जेमां उमन गौठान मन म वर्मी कम्पोस्ट बनाए के काम अऊ आवारा पशु बर पैरा दान के माध्यम ले सकेले के काम करे ल कहिन। उमन गौठान मन के सुचारू रूप ले संचालन बर गौठान प्रबंधन समिति के अध्यक्ष, महिला स्व सहायता समूह, सरपंच, सचिव अऊ संबंधित तकनीकी सहायक ले चर्चा तको करिन। उमन गोधन न्याय योजना के निर्देश मन के पालन करे बर गांव वाले मन ल बताइन। ये बेरा म मुख्य कार्यपालन अधिकारी, ज.पंचा. साजा अऊ संबंधित ग्राम पंचायत के ग्रामीण कृषि विस्तार अधिकारी, तकनीकी सहायक, सरपंच, सचिव अऊ गौठान प्रबंधन समिति के अध्यक्ष घलोक उपस्थित रहिन।
मनरेगा के तहत बने गौठान मन के जांच
