नगरीय प्रशासन मंत्री डॉ. शिवकुमार डहरिया ह नगर निगम भिलाई चरौदा के करिन उदुपहा जांच

रायपुर, नगरीय प्रशासन अऊ श्रम मंत्री डॉ. शिवकुमार डहरिया ह आज दुर्ग जिला के दौरा के बेरा म नगर पालिक निगम भिलाई-चरौदा के उदुपहा जांच करिन। उमन निगम के अधिकारी मन अऊ कर्मचारी मन ल नवा बछर के बधाई अउ शुभकामना दीन। डॉ. डहरिया ह नवा बछर म नवा जोश अऊ ताकत के संग जन हित म बढि़या काम करे के घलोक हुकुम दीन उमन निगम के अधिकारी मन ले प्रधानमंत्री आवास योजना के प्रगति संग पूरा, अधूरा अऊ चलत काम मन के जानकारी लीन। उमन चलत काम अऊ अधूरा काम मन ल लउहे पूरा करे के हुकुम दीन। उमन ये बेरा म 4 करोड़ 60 लाख रूपिया के विकास काम मन के स्वीकृति दीन। उमन नगर पालिक निगम क्षेत्र के अंतर्गत वार्ड नंबर 4 जरवाय, वार्ड नंबर 40 गनियारी म गौठान बनाए बर 24-24 लाख रुपिया के स्वीकृति प्रदान करिन। वार्ड नंबर 18 म जीई रोड ले श्रीराम सिटी अपार्टमेंट पदुम नगर तक सड़क चौड़ीकरण अउ मॉडल सड़क बनवाए बर घलोक 4 करोड़ 12 लाख रूपिया के स्वीकृति प्रदान करिन। ये मौका म नगर पालिक निगम के कमिश्नर, अधिकारी-कर्मचारी अउ जनप्रतिनिधि उपस्थित रहिन।