नवा रायपुर म खुलही विश्व स्तरीय सुविधा सहित उत्कृष्ट शिक्षण संस्थान
20 एकड़ के परिसर म बनही भव्य आवासीय शिक्षण संस्थान
कक्षा 6वीं ले 12वीं तक के 700 छात्र-छात्रा मन बर करे जाही विकसित
रायपुर, मुख्यमंत्री श्री भूपेश बघेल ह राज्य म स्कूली शिक्षा के गुणवत्ता ल बढ़ाए खातिर आज अपन निवास कार्यालय ले राजधानी म विश्व स्तरीय सुविधा सहित बनइया उत्कृष्ट शिक्षण संस्थान के वर्चुअल शिलान्यास करिन। एखर बर स्कूल शिक्षा विभाग ल नवा रायपुर अटल नगर विकास प्राधिकरण कोति ले 20 एकड़ जमीन नवा रायपुर के सेक्टर-32 म निःशुल्क आवंटित करे गए हे। विश्व स्तरीय स्तरीय शिक्षण संस्थान के स्थापना छत्तीसगढ़ उत्कृष्ट विद्यालय सोसायटी के संचालन म करे जाही। उत्कृष्ट विद्यालय सोसायटी के अध्यक्ष मुख्यमंत्री अऊ स्कूल शिक्षा मंत्री एखर उपाध्यक्ष होहीं। सोसायटी म सदस्य सचिव अऊ आन सात सदस्य नियुक्त करे गए हें।
