इंस्टीट्यूट आफ होटल मैनेजमेंट के दूसरा वार्षिकोत्सव म वार्षिक पत्रिका “सुकुवा” के विमोचन
इंस्टीट्यूट म डिग्री अउ डिप्लोमा कोर्स म कुल 138 छात्र अध्ययनरत
2021-22 म डिप्लोमा कोर्स के 63 छात्र मन ल कई ठ प्रतिष्ठित होटल मन म मिलीस नौकरी
रायपुर, रायपुर, नेहा राठौर के खबर/ छत्तीसगढ़ शासन के पर्यटन विभाग के अधीन संचालित नवा रायपुर इस्थित इंस्टीट्यूट ऑफ होटल मैनेजमेंट म डिग्री अउ डिप्लोमा कोर्स म कुल 138 छात्र पढ़त हे। इंस्टीट्यूट ल अउ प्रभावी करे ब इंहा बी.एस.सी. एचएचए (हास्पिटैलिटी एंड होटल एडमिनिस्ट्रेशन) के कोर्स सुरू करे गए हे जेकर डिग्री दिल्ली के प्रतिष्टित यूनिवर्सिटी जेएनयू ले प्राप्त होही। खास बात ए हावय के आईएचएम म कोनो भी डिग्री अउ डिप्लोमा कोर्स म प्रवेश पाये ब आयु सीमा के कोनो बाध्यता नई हे।
संस्थान के दूसर वार्षिक समारोह म मुख्य अतिथि के रूप म पर्यटन मंत्री श्री ताम्रध्वज साहू ह इंस्टीट्यूट म छात्र मन के रहे के सुविधा ब 50 सीटर हास्टल भवन के शिलान्यास करिस। ए बेरा म विधायक श्री धनेन्द्र साहू, छत्तीसगढ़ टूरिज्म बोर्ड के अध्यक्ष श्री अटल श्रीवास्तव, छत्तीसगढ़ टूरिज्म बोर्ड के उपाध्यक्ष श्रीमती चित्ररेखा साहू, पर्यटन विभाग के सचिव श्री अम्बलगन पी.,अउ प्राचार्य श्रीमती रेखा शुक्ला उपस्थित रहिन हे। वार्षिकोत्सव म ही मुख्य अतिथि पर्यटन मंत्री श्री ताम्रध्वज साहू ह संस्थान के वार्षिक पत्रिका “सुकवा” का विमोचन तको करिस।
पर्यटन मंत्री श्री ताम्रध्वज साहू ह अपन संबोधन मेम इंस्टीट्यट आफ होटल मैनेजमेंट रायपुर म पढोइया छात्र छात्रा मन के उज्ज्वल भविष्य के सुभकामना देत हुए कहिन कि आ संस्थान होटल हास्पिटैलिटी के क्षेत्र म एक नवा आयाम पाहीं। श्री साहू ह संस्थान म पढोईया मन ल देश के बड़े होटल्स म प्लेसमेंट होए ब खुसी जाहिर करत हुए कहिन के मुख्यमंत्री श्री भूपेश बघेल के मंशा के अनुसार संस्थान प बेहतर बनाए के बुता ह सरलग चलत हे अउ आए वाले समय म ए ह देश के सर्वश्रेष्ठ होटल मैनेजमेंट संस्थान बनही।
बताए लईक बात हे कि शैक्षणिक सत्र 2022-23 म तीन वर्षीय बीएससी डिग्री प्रोग्राम के 06 छात्र मन के पहिली बैच पास होने वाला हे।एमन म के चार छात्र मन के विभिन्न प्रतिष्ठित होटल्स म चयन हो गए हे। शैक्षणिक सत्र 2021-22 म डिप्लोमा कोर्स म अध्ययनरत 63 छात्र मन के विभिन्न प्रतिष्ठित होटल्स मन म प्लेसमेंट होए हे।
संस्थान के दूसर वार्षिकोत्सव म छात्र छात्रा मन के समूह ह होटल मैनेजमेंट अवेयरनेस म नाटक, छत्तीसगढ़ी सुआ नृत्य, संस्कृति के संगम मोर भारत जईसे विषय म मनमोहक प्रस्तुती दीहिस । मुख्य अतिथि कोती ले ए मउका म छात्र छात्रा मन ल खेल, वाद विवाद, निबंध लेखन आदि क्षेत्र म पुरस्कृत तको करे गईस।
