रायपुर, 3 सितंबर 2020। प्रदेश के सबो शासकीय स्कूल मन म विद्यार्थी मन ल निःशुल्क प्रवेश देहे बर निर्देश संचालक लोक शिक्षण द्वारा जारी करे गे हे. संचालक स्कूल शिक्षा ह सबो संयुक्त संचालक शिक्षा संभाग अउ जिला शिक्षा अधिकारी मन ल अपन- अपन संभाग अउ जिला के अंतर्गत शासकीय स्कूल मन म विद्यार्थी मन के निःशुल्क प्रवेश के व्यवस्था सुनिश्चित करे के निर्देश देहे हे.
संयुक्त संचालक शिक्षा संभाग अउ जिला शिक्षा अधिकारी मन ल जारी निर्देश म कहे गे हे कि कुछ जिला मन ले ये शिकायत मिलत हे कि विद्यार्थी मन ल शासकीय शाला म प्रवेश के बेरा स्थानीय निधि जइसे-ए.एफ., पी.बी.एफ., स्काउट, रेडक्रॉस, शाला विकास आदि शुल्क लेहे जावत हे. वर्तमान म समस्त शिक्षण संस्थाएं बंद हे अतः कोनो भी छात्र ले शिक्षण संस्थान बंद रहे तक कोई भी शुल्क नई लेहे जाए.