रायपुर, मुख्यमंत्री श्री भूपेश बघेल ह काली संझा अपन निवास कार्यालय म डॉ. मीता मुखर्जी के किताब इंटेलेक्चुअल डिसेबिलिटी के विमोचन करिन। डॉ मीता मुखर्जी ह मुख्यमंत्री ल बताइस कि उमन ये किताब के संग दिव्यांग लइका मन के देखभाल अऊ शिक्षण प्रशिक्षण के अपन अनुभव ल साझा करे हे। ये किताब दिव्यांग लइका मन के माता-पिता अऊ ये क्षेत्र म काम करत मनखे मन बर उपयोगी रदही। किताब म कुछ लइका मन के केस स्टडी ल घलोक सामिल करे गए हे, जेखर से अइसन माता-पिता अउ० अविभावक मन ल बेहतर मार्गदर्शन मिल सकही। उमन मुख्यमंत्री ल बताइन कि ओ मन रायपुर म दिव्यांग लइका मन के शिक्षण अऊ विकास ले जुड़े संस्था पीयाली फाउंडेशन के संचालन करथें। मुख्यमंत्री श्री बघेल ह डॉ मीता मुखर्जी ल इंटेलेक्चुअल डिसेबिलिटी किताब के प्रकाशन बर बधाई अउ शुभकामना दीन। ये बेरा म श्री राजकुमार चौधरी, सुश्री प्रोनती मुखर्जी संग आन मनखे उपस्थित रहिन।
मुख्यमंत्री ह करिस इंटेलेक्चुअल डिसेबिलिटी किताब के विमोचन
