रायपुर/गरियाबंद 2 सितंबर 2020। छत्तीसगढ़ शासन के निर्देश म 23 सितंबर ले 30 सितंबर 2020 तक राष्ट्रीय कृमि मुक्ति दिवस का आयोजन करे जाही। मुख्य चिकित्सा अउ स्वास्थ्य अधिकारी ह बतइन कि एकर अंतर्गत समुदाय स्तर म मितानिन अउ आंगनबाड़ी कार्यकर्ता द्वारा घर भ्रमण करके 1 ले 19 वर्षीय लइका मन ल कृमि के दवा (अल्बेन्डाजोल) खिलाय जाही। एक साल ले दू साल के उम्र वाले लइका मन ल आधा गोली पीस के, दू ले तीन साल के लइका मन ल एक गोली पीस के अउ 3 ले 19 साल तक के लइका मन ल एक गोली चबाके खिलाय जाही।
शासन डाहर ले कोविड-19 ल ध्यान म रखत हुए राष्ट्रीय कृमि मुक्ति कार्यक्रम के आयोजन बर दिशा-निर्देश जारी करे हे, जेकर तहत कन्टेनमेंट जोन, बफर जोन अउ बफर जोन ल छोड़ के बाकी बर दिशा-निर्देश जारी करे गए हे । कन्टेनमेंट जोन म स्थिति सामान्य होय के बाद ही ये सेवा ल प्रदान करे जाही। जबकि बफर जोन म सामान्य दिशा निर्देश के पालन कर सेवा ल जारी रखे जाही।
