कोरबा, 21 जनू 2024। अंतर्राष्ट्रीय योग दिवस के अवसर म आज कोरबा जिला के सीएसईबी मैदान म आयोजित दशम योगाभ्यास कार्यक्रम म उपमुख्यमंत्री श्री अरुण साव सामिल होइन। श्री साव के संग कटघोरा विधायक श्री प्रेमचंद पटेल घलोक सामिल होइन। मुख्य अतिथि उपमुख्यमंत्री श्री साव ह कहिन कि, कोरबा ऊर्जा नगरी हे, इहां स्वच्छ मन, स्वच्छ शहर के थीम म नगरीय प्रशासन विभाग कोति ले ऑनलाइन माध्यम से योगाभ्यास के आयोजन करे गए हे। एखर जरिए 10 हजार ले जादा स्वच्छता दीदि मन, स्वच्छता कमांडो मन, स्वास्थ्य कर्मचारी मन ऑनलाइन माध्यम ले जुड़े हे।
श्री साव ह कहिन कि, ऊर्जा नगरी कोरबा ले पूरा प्रदेश म योग के माध्यम ले ऊर्जा प्रवाहित होवत हे। योग के हमार जीवन म बहुत महत्व हे, एला मनखे मन ल समझे के जरूरत हे। हमला अपन शरीर बर रोजे एक घंटा देना होही। कहे गए हे कि स्वस्थ शरीर म स्वच्छ मन के वास होथे ते पाए के शरीर के स्वस्थ होना जरूरी हे।
हार्टफुलनेस के योगाचार्य के माध्यम ले डिप्टी सीएम श्री साव, विशिष्ट अतिथि विधायक श्री पटेल, महापौर राजकिशोर प्रसाद जी, जिला पंचायत अध्यक्ष श्रीमती शशिकला कंवर जी, जिला अध्यक्ष डॉ राजीव सिंह जी, पूर्व महापौर जागेश लांबा जी, नगर निगम के नेता प्रतिपक्ष हितानंद अग्रवाल जी, भाजपा जिला प्रभारी गोपाल साहू जी, पार्षद नरेंद्र देवांगन जी, नगरीय प्रशासन विभाग के सचिव बसव राजू एस, कलेक्टर अजीत वसंत, नगर निगम आयुक्त प्रतिष्ठा ममगाईं संग आन अधिकारी, कर्मचारी अऊ नगर के गणमान्य नागरिक मन ह योग के कई ठन मुद्रा के अभ्यास करिन।
