धमतरी, 6 दिसम्बर 2020। प्रदेश समेत जिला म आगामी 31 जनवरी 2021 तक समर्थन मूल्य म धान खरीदी करे जाही। कलेक्टर जयप्रकाश मौर्य के निर्देश म जिला म अन्य राज्य ले अवइया धान ल रोके बर अफसर ल सक्रिय कर देहे गए हे। धान के व्यापार, भंडारण परिवहन के जांच लगातार करे जावत हे। अफसर मन के टीम लगातार गश्त करत हे। खाद अधिकारी ह बतइस कि 4 दिसंबर के अनुभागीय दंडाधिकारी राजस्व खाद्य अधिकारी विभाग अऊ कृषि उपज मंडी के संयुक्त जांच दल क्षेत्र भ्रमण लगातार करत हे। धान परिवहन के जांच के दौरान दल ह एक वाहन ले 322 क्विंटल धान परिवहन करत पकड़ीस हे। धान ल वाहन समेत जब्त करे हे। धान के अवैध व्यापार करत पाए जाय म संबंधित के विरुद्ध छत्तीसगढ़ कृषि उपज मंडी अधिनियम 1972 के धारा के तहत प्रकरण दर्ज करे गए हे।
गुरतुर गोठ बर- भीषम वर्मा