- हॉर्वर्ड के शोधार्थी अऊ विद्वान मन के हर जिज्ञासा मन के मुख्यमंत्री श्री बघेल ह दीन जवाब
- हार्वर्ड म ग्रामीण अर्थव्यवस्था म सुधार, कृषि विकास म दीन सुझाव
- बाबा साहब के आदर्श म चल के ही बन सकत हे श्रेष्ठ समाज- श्री भूपेश बघेल
- मुख्यमंत्री श्री बघेल ह हार्वर्ड विश्वविद्यालय म ‘लोकतान्त्रिक भारत म जाति अऊ राजनीति’ विसय म दीन व्याख्यान
रायपुर, 16 फरवरी 2020। छत्तीसगढ़ के मुख्यमंत्री श्री भूपेश बघेल आज हार्वर्ड विश्वविद्यालय के भारत सम्मेलन म सामिल होइन जिहां आदिवासी बहुल राज्य के मुख्यमंत्री ल सुने बर बिकट उत्सुकता देखे ल मिलीस। कार्यक्रम के बेरा म भारत म तो आधा रात रहिस अउ हार्वर्ड म दिन जिहां अड़बड़ झन मनखे जुटे रहिन।
इहां मुख्यमंत्री श्री बघेल ह ग्रामीण अर्थव्यवस्था म सुधार, कृषि विकास म सुझाव दीन। उहें हार्वर्ड के शोधार्थि अउ विद्वान मन कोति ले उंकर हर जिज्ञासा मन के मुख्यमंत्री ह बेबाकी ले जवाब घलोक दीन। मुख्यमंत्री श्री बघेल ल अवइया पइत घलोक सम्मेलन म सामिल होए के नेवता तको मिलीस। ये बेरा म हार्वर्ड विश्विद्यालय के प्रशासन, शोधार्थी, अध्यापक अऊ विद्वान जन उपस्थित रहिन। हार्वर्ड विश्विद्यालय के भारत सम्मेलन म श्री बघेल ह ‘लोकतान्त्रिक भारत म जाति अऊ राजनीति’ विसय उपर अपन विचार रखिन।
