विधायक जेला औकात देखा देहूं कहे रहिस तेला रवीना टंडन कहिस असली हिरोईन

रायपुर, आप मन जानतेच होहू के पाछू दिदन म ‘मेरी औकात के बारे म बात मत करना मैडम’… कुछ अइसनहे सबद के संग एक महिला आईपीएस अफसर के कांग्रेस नेता ले उंच गोठ-बात होए रहिस। जेकर एक वीडियो बहुतेच वायरल होए रहिस। उही महिला आईपीएस अंकित शर्मा के। बात ये 14 फरवरी 2020 के जब छत्तीसगढ़ के कांग्रेस विधायक एक फैक्ट्री म मजदूर के मौत के बाद मुआवजा के मांग ल लेके प्रदर्शन करत रहिस। सकलाए भीड़ ल नियंत्रित करे बर उहां ट्रेनी आईपीएस अंकिता शर्मा के ड्यूटी लगे रहिस। ये बेरा म जब मौका म हंगामा करत विधायक के समर्थक मन ल ट्रेनी आईपीएस ह रोकिस त विधायक ले वोखर उंचहा बहस हो गए रहिस। ये बहस के बखत महिला विधायक ह अंकित शर्मा ल कहे रहिस के ‘मैं तुम्हे तुम्हारी औकात दिखा दूंगी।’ ये बात म ट्रेनी महिला आईपीएस ह कहे रहिन कि ‘आप मेरी औकात की बात मत करना मैडम।’
उही महिला आईपीएस के फोटू उपर ट्टीट करत हिरोईन रवीना टंडन ह वोला असली हिरोईन कहे हे, आप मन खुदे देख लव-