सिंचाई परियोजना मन के रफ्तार बढ़ावव, गुणवत्ता ले नइ होवय समझौता : मुख्यमंत्री साय

रायपुर, मुख्यमंत्री श्री विष्णु देव साय ह रायपुर स्थित मुख्यमंत्री निवास कार्यालय म जल संसाधन विभाग के समीक्षा बैठक म अधिकारी मन ल हुकुम दीन के प्रदेश के सबो सिंचाई परियोजना मन के काम जल्‍दी अऊ गुणवत्ता के संग पूरा करे जाय। उमन कहिन के ये परियोजना मन प्रदेश के कृषि अऊ सर्वांगीण विकास के रीढ़ हे, ते पाए के ए मन ल निरधारित समय-सीमा म पूरा करना जरूरी हे।
मुख्यमंत्री ह स्पष्ट करिन के जनता ल स्वच्छ पेयजल अऊ किसान मन ल सिंचाई खातिर भरपूर जल उपलब्ध कराना सरकार के प्राथमिकता हे। उमन अधिकारी मन ले निर्माणाधीन परियोजना मन के सरलग निगरानी करे अऊ काम के गति बढ़ाय के निर्देश दीन।
बैठक म जल संसाधन विभाग के सचिव श्री राजेश सुकुमार टोप्पो ह परियोजना मन के प्रगति उपर पावर पॉइंट प्रेज़ेंटेशन प्रस्तुत करिन। ए बेरा म मुख्यमंत्री के प्रमुख सचिव श्री सुबोध कुमार सिंह, सचिव श्री पी. दयानंद अऊ विभाग के वरिष्ठ अधिकारी उपस्थित रहिन।