रायपुर, मुख्यमंत्री श्री भूपेश बघेल आज रायपुर के अम्लीडीह स्थित कैथोलिक चर्च म रायपुर आर्च डायसिस के स्वर्ण जयंती समारोह म सामिल होइन। मुख्यमंत्री ह समारोह ल संबोधित करत कहिन कि ईसाई समाज कोति ले करे शिक्षा, स्वास्थ अऊ मानवता सेवा के काम सराहनीय हे, येखर कोई सानी नइ हे। जब शिक्षण संस्था मन के अभाव रहिस, तब मसीही समुदाय ह स्कूल अऊ हॉस्टल खोलिस। ग्रामीण अऊ वनांचल क्षेत्र मन म शिक्षा के प्रचार-प्रसार करिस। ईसाई समाज ह शिक्षा अऊ स्वस्थ्य के क्षेत्र म सेवा के काम मन ल अइसन स्थान मन तक घलोक पहुंचाइन जिहां मनखे मन के पहुंचना घलोक कठिन रहिस।
रायपुर आर्च डायसिस के स्वर्ण जयंती समारोह म रायपुर महापौर श्री एजाज ढेबर, सभापति श्री प्रमोद दुबे, जिला सहकारी केन्द्रीय बैंक के अध्यक्ष श्री पंकज शर्मा, हैदराबाद के कार्डिनल श्री एंथोनी पुला, दिल्ली के आर्च बिशप श्री अनिल कुटो, भोपाल के आर्च बिशप श्री एएएस दुरईराज जी, कोलकाता के आर्च बिशप श्री थॉमस डिसूजा, आगरा के आर्च बिशप श्री रॉफी मंजिली, पटना के आर्च बिशप श्री सेबेस्टियन कल्लपुरा व नागपुर के आर्च बिशप श्री एलियास गॉनसालवेज, छत्तीसगढ़ के पहिली आर्च बिशप श्री जोसफ ऑगस्टिन, छत्तीसगढ़ डायसिस सीएनआई के पहिली बिशप श्री रॉबर्ट अली, रायपुर के विकार जनरल फादर श्री सेबेस्टियन पी., डायसिस के स्टुअर्टशिप कमेटी के सचिव अऊ प्रवक्ता श्री जॉन राजेश पॉल जी अऊ सर्व आस्था मंच समेत राजधानी के कई समाज सेवी संगठन के प्रतिनिधि उपस्थित रहिन।
ईसाई समाज के शिक्षा, स्वास्थ अऊ मानवता के सेवा के काम सहराए लाईक: मुख्यमंत्री श्री भूपेश बघेल
