रायपुर, 29 अगस्त 2020। छत्तीसगढ़ विधासभा भवन के नवा भवन के नवा रायपुर म शिलान्यास के बेरा म लोकनिर्माण अऊ गृहमंत्री श्री ताम्रध्वज साहू ह कहिन के महानदी भवन अऊ इंद्रावती भवन के बीच पाछू कोति के खाली जमीन म नवा विधानसभा बनाय जात हे। उमन कहिन के एखर रूप-रेखा दिल्ली म राष्ट्रपति भवन के आगू स्थित नार्थ एवेन्यू अऊ साउथ एवेन्यू जइसे रखी गए हे। नवा विधानसभा भवन के आगू राजपथ जइसे मार्ग बनही, जेखर जरिये महानदी अऊ इंद्रावती भवन ले पैदल घलोक विधानसभा पहुंचे जा सकही। छत्तीसगढ़ विधानसभा के बनइया नवा भवन म छत्तीसगढ़ के गौरवशाली अऊ समृद्ध संस्कृति अऊ परंपरा के झलक देखे ल मिलही। विधानसभा भवन म अत्याधुनिक लाइब्रेरी अऊ ऑडिटोरियम के घलोक निर्माण करे जाही। भविष्य ल ध्यान म रखत नवा विधानसभा भवन म करीब 150 ले 200 विधायक मन के बइठे के व्यवस्था अऊ अध्यक्षीय ओसारी, अधिकारी ओसारी, प्रतिष्ठित दर्शक ओसारी, पत्रकार ओसारी अऊ दर्शक ओसारी के निर्माण करे जाही। विधानसभा अध्यक्ष, मुख्यमंत्री अऊ मंत्रियों, नेता प्रतिपक्ष अऊ उपाध्यक्ष अऊ मुख्य सचिव अऊ विधानसभा के प्रमुख सचिव, सचिव अऊ आन सचिव बर कक्ष, मीटिंग हॉल अऊ स्टाफ कुरिया के निर्माण तको करे जाही। नवा भवन म कई ठन समिति कुरिया के निर्माण, पुस्तकालय, एलोपैथिक, होम्योपैथिक अऊ आयुर्वेदिक औषधालय, पोस्ट ऑफिस, रेल्वे रिजर्वेशन काऊंटर अऊ बैंक बर घलोक कुरिया मन के निर्माण होही। विधानसभा के चारों कोति सड़क निर्माण, वृक्षारोपण संग सौन्दर्यीकरण के काम करे जाही।
ये बेरा म विधानसभा के उपाध्यक्ष श्री मनोज सिंह मंडावी, ग्रामीण विकास अऊ स्वास्थ्य मंत्री श्री टी.एस. सिंहदेव, नगरीय प्रशासन मंत्री डॉ. शिव कुमार डहरिया, महिला अऊ बाल विकास मंत्री श्रीमती अनिला भेंड़िया, राजस्व मंत्री श्री जयसिंह अग्रवाल, स्कूल शिक्षा मंत्री डॉ. प्रेमसाय सिंह टेकाम, जादा शिक्षा मंत्री श्री उमेश पटेल, खाद्य मंत्री श्री अमरजीत भगत संग संसदीय सचिव, विधायक, बहुत अकन जनप्रतिनिधि, निगम मंडलों के अध्यक्ष, मुख्य सचिव श्री आर.पी. मंडल, विधानसभा के प्रमुख सचिव श्री चंद्रशेखर गंगराड़े, अपर मुख्य सचिव वित्त श्री अमिताभ जैन, अपर मुख्यसचिव गृह श्री सुब्रत साहू, लोक निर्माण विभाग के सचिव श्री सिद्धार्थ कोमल परदेशी संग वरिष्ठ अधिकारी उपस्थित रहिन।