जयपुर के एसएमएस अस्पताल म कोरोना वायरस (corona virus) ले संक्रमित एक इतालवी महिला के एंटी एचआइवी दवई- लोपिनाविर अऊ रिटोनाविर ले बने होए के मामला सामने आए हे।
नई दिल्ली, 13 मार्च 2020। एसएमएस अस्पताल के चिकित्सा अधीक्षक कोति ले देहे जानकारी के मुताबिक संक्रमित महिला ल लोपिनाविर अऊ रिटोनाविर (anti-HIV drug Lopinavir & Ritonavir) देहे के फैसला तब करे गीस जब इतालवी मनखे अऊ ओखर पत्नी ल सांस लेहे म बिक्क्टे तकलीप होए लगिस। वो इतालवी मनखे खुदे एक डॉक्टर हे, वोला आइसीयू म ऑक्सीजन सपोर्ट म रखे गए हे अऊ ओखर हालत स्थिर हे। ओखर पत्नी के घलोक कोरोना वायरस ले संक्रमित होए के पुस्टि होए रहिस, वो अब ठीक हे अऊ ओला आन अस्पताल म शिफ्ट कर दे गए हे।
स्वास्थ्य मंत्रालय के अधिकारी मन ह बिरसपत के कहिन के जयपुर म इतालवी दंपत्ति ल एंटी एचआइवी दवइ देहे के फैसला ‘प्रारंभिक तौर म स्थानीय रूप से’ करे गीस। अधिकारी मन ह कहिन कि ये अस्पताल ल भविष्य म कोरोना वायरस संक्रमित मरीज मन ल अइसन दवइ देहे के पहिली स्वास्थ्य मंत्रालय अउ भारतीय चिकित्सा अनुसंधान परिषद (आइसीएमआर) ल खबर करे ल कहे गए हे। आइसीएमआर के प्रमुख ह कहिस अइसन पहली पइत होय हे कि भारत म कोरोना वायरस के बढ़त मामला मन के बीच संक्रमित मरीज के इलाज बर ए दुनों दवइ मन के उपयोग करे गीस। ये दूनों दवइ से का कोरोना बायरस ले संक्रमित मरीज पूरा ठीक हो जाही एकर संबंध म अभी कोनों डाक्टर बने सहिन नइ बतायें हे। तेकर बाद घलव काली रात कन ले ये समाचार सोलसल मीडिया म चलत हे के एंटी एचआइवी दवई ले बने हो गे कोरोना वायरस के मरीज।
