रइपुर, 26 जून 2021 शनिच्चर। मुख्यमंत्री दाउ भूपेश बघेल ह आज इहाँ अपन घरू कार्यालय म छत्तीसगढ़ आदिवासी, स्थानीय स्वास्थ्य परंपरा अउ औषधि पादप बोर्ड कोति ले प्रकाशित ’जड़ी बूटी-दैनंदिनी 2021’ के विमोचन करीन। संगे —संग वन मंत्री श्री मोहम्मद अकबर ह मुख्यमंत्री दाउ बघेल ल स्टीविया के पौधा भेंट करीन।
मुख्यमंत्री दाउ बघेल ल पादप बोर्ड के अध्यक्ष श्री पाठक ह बताइन कि ये जड़ी बूटी – दैनंदिनी म परंपरागत वैद्य मन के सूची, पारंपरिक ज्ञान आधारित परामर्श केन्द्र, होम हर्बल गार्डन, औषधीय पौधा मन के उपयोग विधि, औषधीय पौधा मन के खेती बर अनुदान राशि, औषधीय पौधा मन के खेती के तरीका, औषधीय पौधा मन के संग्रहण, प्राथमिक प्रसंस्करण अउ मूल्य संवर्धन अउ मानव शरीर के रोग मन म उपयोग होवइया औषधीय पौधा मन के बारे म फरिहा केेेेेेेेेेेेेेेेेेे जानकारी दे गे हे । ये दैनंदिनी किसान, विभाग के अधिकारी, भू-स्वामी, सामाजिक संस्था, विद्यार्थी मन के संगे—संग गृहिणी मन बर तको लाभकारी होही। किसान मन के किसानी संबंधी समस्या मन के समाधान के तको उल्लेख करे गे हवय ।
मुख्यमंत्री दाउ भूपेश बघेल ह ’जड़ी-बूटी दैनंदिनी 2021’ के करीन विमोचन
