रायपुर, 05 मई 2024/ अवइया शिक्षण सत्र 16 जून 2024 ले छत्तीसगढ़ के तीन ले आठ साल के उम्मर के सबो लइका मन मने बालबाड़ी अउ कक्षा 1 अउ 2 म ‘जादुई पिटारा’ के माध्यम ले पढ़ाई-लिखाई कराए के कार्ययोजना अऊ रणनीति बनाए जात हे ।
स्कूल शिक्षा विभाग के सचिव श्री सिद्धार्थ कोमल सिंह परदेशी ह राज्य के सबो बालबाड़ी शिक्षक, प्राथमिक शाला के शिक्षक ल राष्ट्रीय शिक्षा नीति-2020 के महत्वपूर्ण उद्देश्य म ले एक अऊ प्रमुख ‘जादुई पिटारा’ (खेल-आधारित शिक्षण संसाधन प्रणाली) ले जुड़े अउर संसाधन मन के आधार म नवाचार करत अवइया शिक्षा सत्र ले दक्षतापूर्वक क्रियान्वयन अउ संचालन बर आव्हान करे हे। उमन कहे हें कि ‘जादुई पिटारा’ के क्षेत्र म उत्कृष्टता के प्रदर्शन करइया शिक्षक मन अउ विशेष सहयोग प्रदान करइया स्थानीय लोक कलाकार, तकनीकी कार्यकर्ता मन ल राज्य स्तर म ऊंखर योगदान बर विशेष रूप ले पुरस्कृत करे जाही।