जगदलपुर म नोनी भवानी ल डिजिटल माध्यम ले बालगीत सुने-देखे म आइस आनंद: लॉकडाउन म आंगनबाड़ी कार्यकर्ता मन ह हितग्राही मन ल घर-घर जाके बांटत हें रेडी-टू ईट

जगदलपुर, 21 अप्रैल 2020। लॉकडाउन के बेरा म महिला अउ बाल विकास विभाग ह जिला के आंगनबाड़ी के लइका मन ल बाल्यावस्था देखरेख अऊ शिक्षा बर डिजिटल प्लेटफार्म के माध्यम ले व्यवस्था करे गए हे। एखरे संग छत्तीसगढ़ी बोली म बालगीत, कहानी, कविता के वीडियो के माध्यम ले आंगनबाड़ी कार्यकर्ता घर-घर पहुंचके जागरूक करत हें। जगदलपुर परियोजना के सेक्टर जाटम के कार्यकर्ता बंसती ह कुमारी भवानी ल मोबाईल के माध्यम ले बालगीत के सुनाइस। मोबाईल म बालगीत सुने-देखे म भवानी अड़बड़ खुस होइस। एखरे संग आंगनबाड़ी कार्यकर्ता मन गृह भेंट करके हितग्राही मन ल कोरोना संक्रमण ले बचाव के संबंध म घलोक जानकारी देवत हें। जिला के आंबा कार्यकर्ता मन ह दीवार लेखन के माध्यम ले घलोक जागरूकता लाय के काम करत हें। लइका मन के सही विकास के जानकारी अभिभावक मन तक पहुंचाना घलोक जरूरी हे, ए खातिर ग्रोथचार्ट पालक मन के आगू भरे जात हे। गर्भवती माता मन अऊ लइका मन के स्वास्थ्य के घलोक ध्यान स्वास्थ्य विभाग के सहयोग ले आंगनबाड़ी कार्यकर्ता मन ह रखत हें।