जगदलपुर, 15 अगस्त 2020। स्कूल शिक्षा मंत्री श्री प्रेमसाय सिंह टेकाम ह स्वतंत्रता दिवस म जगदलपुर के लालबाग परेड मैदान म ध्वजारोहण करिन अऊ परेड के सलामी लीन। उमन बस्तर जिला के सबो नागरिक मन ल स्वतंत्रता दिवस के हार्दिक बधाई अऊ शुभकामना देवत स्वतंत्रता दिवस म मुख्यमंत्री श्री भूपेश बघेल के जनता के नाम जारी संदेश के वाचन करिन।
समारोह म श्री टेकाम ह उत्कृष्ट काम करइया 59 पुलिस कर्मी, 650 चिकित्सक अऊ स्वास्थ्य कर्मी मेडिकल कॉलेज के, मुख्य चिकित्सा अऊ स्वास्थ्य कार्यालय के 1669 मनखे मन ल, महारानी अस्पताल ले 104 चिकित्सक अऊ स्वास्थ्य कर्मी, नगर पालिक निगम के 200, राष्ट्रीय शहरी स्वास्थ्य मिशन, 35 स्वच्छता कर्मी, जिला कोवडि-कंट्रोल रूम के 147, के संगें-संग कोरोना काल म प्रशासन के आन विभाग मन के अधिकारी मन अऊ कर्मचारी मन ल काम बर प्रशस्ति पत्र अऊ शील्ड प्रदान करके सम्मानित करिन। समारोह म बस्तर विकास प्राधिकरण के अध्यक्ष श्री लखेश्वर बघेल, चित्रकोट विधायक श्री राजमन बेंजाम, महापौर श्रीमती सफीरा साहू, सभापति श्रीमती कविता साहू, कमिश्नर श्री अमृत कुमार खलखो, पुलिस महानिरीक्षक श्री पी. सुन्दरराज कलेक्टर श्री रजत बंसल, पुलिस अधीक्षक श्री दीपक झा संग स्थानीय जनप्रतिनिधि अऊ गणमान्य नागरिक उपस्थित रहिन।