जगदलपुर, धान छत्तीसगढ़ के प्रमुख फसल हे, जेखर से अन्नदाता किसान अपन भरण-पोषण के संग आन जरूरत ल पूरा करथे। किसान मन ल उंखर मेहनत के सही मूल्य देवाए बर सरकार हर साल समर्थन मूल्य तय करथे। जेन किसान ल उंखर लागत ले जादा लाभ देहे के उद्देश्य ले तय करे जाथे। सरकार कोति ले समर्थन मूल्य म धान के खरीद ह किसान मन ल न केवल आर्थिक स्थिरता प्रदान करे हे, भलुक उंखर आय म घलोक सुधार करे हे। राज्य सरकार के समर्थन मूल्य म धान उपार्जन नीति ले किसान मन ल वाजिब दाम के संग ही उन्नत खेती-किसानी बर प्रोत्साहन मिलत हे। जगदलपुर ब्लॉक के गरावंड खुर्द निवासी किसान महादेव बघेल अऊ तुरेनार निवासी किसान मनदेव अपन खरीफ धान ल बेचके जिहां खरीफ फसल ऋण ल अदा करहीं। उहें घर के जरूरी काम मन बर ये पइसा के उपयोग तको करहीं। ओ दुनों किसान मन ह रबी फसल सीजन म मक्का अऊ साग-सब्जी के खेती करके आय संवृद्धि करे के संकल्प ल तको दुहराए हें। ए दुनों किसान मन ह सरकार के धान खरीदी व्यवस्था ल सहरावत जल्दी भुगतान बर राज्य सरकार ल धन्यवाद देहे हे।
जगदलपुर : समर्थन मूल्य म धान उपार्जन ले किसान मन ल होवत हे सहूलियत
