जगदलपुर, आज के ये दौर म प्रतियोगिता सबो क्षेत्र म हे चाहे वो नौकरी म होवय या व्यापार म। बेरोजगार युवा रोजगार के तलाश म एती-ओतीर भटकत हें उहें जागरूक युवा मन शासन के महत्वपूर्णं योजना मन के लाभ लेके अपन भविष्य ल दिशा देवत हें। अइसनहे एक युवा विकासखण्ड बकावण्ड के ग्राम उड़ियापाल निवासी श्री परमानंद साहू हे। जे ह शासकीय योजना मन के लाभ लेके अपन बेरोजगारी ल दूर करे हे।
परमानंद साहू के बताती, पहिली ओ ह रोजगार के तलाश म एती-ओती भटकत रहिस। उही दौरान उद्यानिकी विभाग के मैदानी अधिकारी मन ले मैं उद्यानिकी विभाग के योजना मन के बारे म जानकारी अऊ मार्गदर्शन लेंव। मै ह राष्ट्रीय बागवानी मिशन योजनान्तर्गत बीज उत्पादन कार्यक्रम के तहत 2000 वर्ग मीटर के शेडनेट हाऊस लेंव। जेखर से मोर आमदनी म एक ले 1.50 लाख रूपिया तक के कमई बाढ़ गए। जेखर से मोर आर्थिक अऊ सामाजिक जीवन बेहतर होए हे। एखर अलावा परमानंद साहू ह आसना म प्लग टाईप बेजीटेबल सीडलिंग यूनिट बनाए हे यूनिट के माध्यम ले किसान मन ल 50 रूपिया प्रति सैकड़ा के मान ले सब्जी बीज उत्पादित करके कम समय म ही कृषक मन ल उपलब्ध करावत हे।
