शासकीय योजना मन ले लाभ लेके युवा मन अपनावत हें स्वरोजगार

जगदलपुर, 10 मार्च 2021। शासकीय योजना मन के लाभ लेके युवा स्वरोजगार अपनावत हें। बस्तर जिला के बकावण्ड तहसील के ग्राम बड़ेजीराखाल, ब्राम्हण पारा निवासी श्री पिवेन्द्र कुमार पाण्डेय ह स्वरोजगार अपनाके अपन जीवन ल एक नवा दिशा देहे हें। पिवेन्द्र 12वीं कक्षा पास हे, वो ह मोबाईल रिपेरिंग सेल्स अऊ फोटो कॉपी काम के ज्ञान रखत रहिस। परिवार म 06 सदस्य हे जेन पारम्परिक रूप ले खेती-किसानी के काम ले जुड़े रहिन।
पिवेन्द्र ह जिला व्यापार अऊ उद्योग केन्द्र जगदलपुर ले सम्पर्क करके विभागीय योजना मन के संबंध म जानकारी लीस अऊ विभाग कोति ले ओ ल पूरा मदद देहे गीस अऊ उद्योग विभाग ले ओ ल मोबाईल रिपेरिंग, सेल्स अऊ फोटो कॉपी के काम बर तहसील बकावण्ड के जैबेल स्थित पंजाब नेशनल बैंक शाखा के माध्यम ले जिला व्यापार अऊ उद्योग केन्द्र कोति ले संचालित प्रधानमंत्री रोजगार सृजन कार्यक्रम योजनान्तर्गत वित्तीय साल 2014-15 म 2 लाख 60 हजार रूपिया के ऋण 13 अकटूबर 2014 के स्वीकृत कराए गीस अऊ 26 मार्च 2015 के 2 लाख 60 हजार ऋण वितरण करे गीस।
वोला 25 प्रतिशत मार्जिनमनी के रूप म जिला व्यापार अऊ उद्योग केन्द्र कार्यालय ले 65 हजार रूपिया के अनुदान घलोक देवाए गीस। संगेच उद्यमिता विकास कार्यक्रम के अन्तर्गत ओ ला अकटूबर 2014 म पन्द्रा दिन के प्रशिक्षण घलोक देहे गीस।
पिवेन्द्र ह किराया के दुकान म अपन मोबाईल रिपेयरिंग, सेल्स अऊ फोटो कॉपी के काम संचालित करत हे, अऊ हर महिना 1 हजार रूपिया किराया भुगतान करत हे। वोखर अच्छा व्यवहार के सेती आज के स्थिति म वो ह अपन मोबाईल रिपेयरिंग, सेल्स अऊ फोटो कॉपी व्यवसाय ल अच्छा अऊ सुचारू रूप ले संचालन करत हे। उही गांव के 01 बेरोजगार युवक ल ओ ह मोबाईल रिपेयरिंग, सेल्स अऊ फोटो कॉपी दुकान म रोजगार देहे हे। ओ व्यवसाय ले ओला मासिक आमदनी करीबन 25 ले 30 हजार रूपिया होवत हे। संगेच बैंक ऋण के मासिक किश्त 5 हजार रूपिया नियमित रूप ले भुगतान करत परिवार के भरण-पोषण करत हे। पिवेन्द्र युवा मन ल शासकीय योजना मन ले स्वरोजगार अपनाए बर प्रेरित करत हे।