जगतपाल दाऊ भूपेश बघेल श्री जगन्नाथ मंदिर पहुँचिस..

रइपुर, 01 जुलाई 2022
मुख्यमंत्री दाऊ भूपेश बघेल श्री जगन्नाथ मंदिर पहुँचिस। उहां सबले पहिली हवनकुंड के परिक्रमा करीन। प्रभु श्री जगन्नाथ, बलभद्र अउ सुभद्रा के पूजा अर्चना करके प्रदेषवासी मन सुख समृद्धि के कामना करीन।
मुख्यमंत्री दाऊ भूपेश बघेल आज इहां गायत्री नगर स्थित जगन्नाथ मंदिर म छेरापहरा के रस्म पूरा करत सोन के बाहरी म बहारके रथ यात्रा के शुरूआत करीन। येकर पहिली मुख्यमंत्री ह यज्ञशाला के अनुष्ठान म संघरीन अउ हवन कुण्ड के परिक्रमा करके पूजा-अर्चना करीन। श्री जगन्नाथ मंदिर म महाप्रभु जगन्नाथ, ओकर बड़े भाई बलभद्र अउ बहिनी सुभद्रा के आरती करीन। मुख्यमंत्री दाऊ भूपेश बघेल ने मंदिर में पूजा-अर्चना करके प्रदेषवासी मन सुख समृद्धि, खुषहाली अउ बने बरसात के कामना करीन।
जानबा होवय कि भगवान जगन्नाथ ओडिशा अउ छत्तीसगढ़ के संस्कृति ले बरोबर जुड़े हवय। रथ-दूज के ये तिहार ओडिशा बरोबर छत्तीसगढ़ के संस्कृति के अभिन्न हिस्सा हरे। छत्तीसगढ़ के शहर मन म आज के दिन भगवान जगन्नाथ के रथयात्रा निकाले के परंपरा सदियों से चले आवत हे।