रायपुर, 06 अगस्त, 2024। ‘एक पेड़ मां के नाम’ महावृक्षारोपण अभियान के तहत आज नवा रायपुर स्थित जेल मुख्यालय परिसर म वृक्षारोपण कार्यक्रम आयोजित करे गीस। ए कार्यक्रम के उद्देश्य पर्यावरण जागरूकता बढ़ाए अऊ हरित भविष्य के दिशा म कदम बढ़ाना रहिस। वृक्षारोपण कार्यक्रम म जेल महानिदेशक श्री राजेश मिश्रा, जेल उपमहानिरीक्षक श्री एस एस तिग्गा संग जेल मुख्यालय के आन अधिकारी-कर्मचारी उपस्थित रहिन।
कार्यक्रम म कई प्रकार के पौधा लगाए गीस, जेमें जेल महानिदेशक ह कटहल के पौधा, उपमहानिरीक्षक ह आमा अऊ आन अधिकारी मन अउ कर्मचारी मन ह कई प्रकार के फलदार अउ छायादार पौधा लगाइन। ए मौका म जेल प्रशासन ह पौधा के सुरक्षा अऊ संरक्षण बर ट्री गार्ड अउ फेंसिंग नेट लगाय के व्यवस्था करे हे।
जानबा हे कि प्रधानमंत्री नरेन्द्र मोदी ह विश्व पर्यावरण दिवस के अवसर म ‘एक पेड़ मां के नाम’ महावृक्षारोपण अभियान के शुभारंभ करे रहिन। ए अभियान के अंतर्गत देश म सितमबर 2024 तक 80 करोड़ अउ मार्च 2025 तक 140 करोड़ पौधा के रोपण के लक्ष्य हे। मुख्यमंत्री श्री विष्णु देव साय के निर्देशन म ‘एक पेड़ मां के नाम’ महावृक्षारोपण अभियान के अंतर्गत छत्तीसगढ़ राज्य म लगभग 4 करोड़ पौधारोपण करे के लक्ष्य हे।
