मुख्यमंत्री श्री विष्णु देव साय जल – जगार महोत्सव म 87 करोड़ 25 लाख रूपिया के लागत वाले 49 निर्माण काम मन के करहीं लोकार्पण अउ भूमिपूजन

धमतरी, जिला के गंगरेल जलाशय म 5 अउ 6 अकटूबर के जल जगार महोत्सव आयोजन होही। समारोह के शुभारंभ अवसर म 5 अकटूबर के आयोजित कार्यक्रम म प्रदेश के मुख्यमंत्री श्री विष्णुदेव साय मुख्य अतिथि होही। मुख्यमंत्री श्री साय ए मौका म 87 करोड़ 25 लाख 77 हजार रूपिया के लागत वाले कुल 49 काम मन के लोकार्पण अउ भूमिपूजन करहीं। एमां 65 करोड़ 84 लाख 91 हजार रूपिया के 33 काम मन के लोकार्पण अऊ 21 करोड़ 40 लाख 86 हजार रूपिया के 16 काम मन के शिलान्यास सामिल हे।
मुख्यमंत्री कोति ले लोकार्पित होवइया काम मन म नगरपालिक निगम धमतरी के तहत 30 करोड़ 94 लाख 49 हजार रूपिया के 4 काम, लोक निर्माण विभाग के तहत 26 करोड़ 39 लाख 33 हजार रूपिया के 4 काम, विद्युत विभाग के 4 करोड़ 20 लाख 8 हजार रूपिया के 2 काम, स्वास्थ्य विभाग के तहत एक करोड़ 52 लाख 73 हजार रूपिया के 6 काम, जनपद पंचायत नगरी के तहत एक करोड़ 39 लाख 88 हजार रूपिया के 9 काम, ग्रामीण यांत्रिकी सेवा संभाग के तहत एक करोड़ 13 लाख 40 हजार रूपिया के 5 काम अऊ जनपद पंचायत धमतरी के तहत 25 लाख रूपिया के लागत के 3 काम सामिल हे।
मुख्यमंत्री श्री साय ह 21 करोड़ 40 लाख 86 हजार रूपिया के 16 काम मन के शिलान्यास करहीं, जेमें लोक निर्माण विभाग के तहत 7 करोड़ 41 लाख 96 हजार रूपिया के 2 काम, नगरपालिक निगम धमतरी के अंतर्गत 6 करोड़ 37 लाख 14 हजार रूपिया के 3 काम, जल संसाधन संभाग धमतरी कोड 90 के तहत 4 करोड़ 40 लाख 62 हजार रूपिया के 2 काम, हाउसिंग बोर्ड के तहत एक करोड़ 86 लाख 53 हजार रूपिया के एक काम, ग्रामीण यांत्रिकी सेवा संभाग के तहत 93 लाख 48 हजार रूपिया के 4 काम, जनपद पंचायत धमतरी के 25 लाख रूपिया के 3 काम अऊ क्रेडा के तहत 16 लाख 13 हजार रूपिया के लागत वाला एक काम सामिल हे।