एमसीबी, जिला के लोक स्वास्थ्य यांत्रिकी विभाग के अंतर्गत संचालित जल जीवन मिशन ह ग्राम पंचायत गढ़वार, विकासखंड भरतपुर, जिला मनेन्द्रगढ़-चिरमिरी-भरतपुर के गांव वाले मन के जीवन म अभूतपूर्व बदलाव लाए हे। ये योजना केवल जल आपूर्ति के सुविधा भर नहीं, बल्कि ग्रामीण जीवन म खुशहाली अऊ स्वास्थ्य के नवा अध्याय साबित होवत हे।
पहिली पानी बर करना परत रहिन लंबा जद्दोजहद
ग्राम गढ़वार के रहवइया प्यारेलाल बताथे के पहिली स्वच्छ अऊ सुरक्षित पानी बर ओ मन ल रोजेच दुरिहा जाके कुवां या तालाब ले पानी लाना परत रहिस। ये नइ केवल समय अऊ श्रम के बर्बादी रहिस, बल्कि असुरक्षित पानी ले बीमारी मन के खतरा घलोक बने रहत रहिस। गर्मी के मौसम म स्थिति अऊ गंभीर हो जात रहिस, जेखर से गांव के मनखे मन ल अड़बड़ परेशानी होत रहिस।
हर घर नल ले जल योजना बनिस बदलाव के नींव
प्रधानमंत्री नरेंद्र मोदी के अगुवई अऊ मुख्यमंत्री विष्णुदेव साय के मार्गदर्शन म लागू “हर घर नल ले जल” योजना ह ए समस्या के स्थायी समाधान कर देहे हे। अब हर घर म पाइपलाइन के माध्यम ले शुद्ध, सुरक्षित अऊ भरपूर मात्रा म पेयजल उपलब्ध हे। नल ले साफ पानी मिले ले गांव वाले मन म संतोष अऊ प्रसन्नता के माहौल हे।
महिला मन अऊ लइका मन ल मिलिस बड़ राहत
प्यारेलाल के कहना हे के ए योजना ले महिला मन अऊ लइका मन ल सबले जादा लाभ होय हे। पहिली महिला मन अऊ लइका मन घंटों पानी डोहारे म लगे रहंय, जेखर से पढ़ाई अऊ आन काम प्रभावित होत रहिस। अब लइका नियमित रूप ले स्कूल जात हें अऊ महिला मन परिवार के आय बढ़ाए वाले काम मन म समय दे पात हें। स्वास्थ्य संबंधी समस्या मन म घलोक उल्लेखनीय कमी आए हे, जेखर से परिवार के खरचा घटे हे। अब गांव के मनखे एखर बर प्रधानमंत्री अऊ मुख्यमंत्री के प्रति आभार व्यक्त करत कहते हें के जल जीवन मिशन ह ऊंखर गांव के भविष्य ल नवा दिशा देहे हे। ये योजना स्वच्छ जल, स्वस्थ जीवन अऊ खुशहाल समाज कोति एक महत्वपूर्ण कदम हे, जेन अवइया पीढ़ी बर घलोक लाभकारी सिद्ध होही।
