घर-घर म पानी मिले ले गांव वाले मन म खुशी के लहर
बीजापुर, बरदेला गांव ग्राम पंचायत बड़ेतुंगाली भैरमगढ़ ब्लाक अर्न्तगत आथे। जेन जिला मुख्यालय ले 35 किलोमीटर के दूरी म बीजापुर ले रायपुर मार्ग म स्थित हे। जिहां 105 घर के 605 ग्रामीण निवास करथे। बरदेला म हैण्डपंप पहिली ले लगे हे फेर हैण्डपंप घर ले दूरिहा होए के सेती कई परिवार ल पानी लाय म बहुत तकलीफ झेलना परत रहिस। बरसात, गर्मी धूप के मौसम म लइका मन ल घर म छोड़के पानी बर झंझट करना परत रहिस। जल -जीवन मिशन के अंर्न्तगत सबो 105 घर म नल कनेक्शन प्रदाय करे गीस जेकर से गांव वाले मन के बहुत बड़ समस्या के निराकरण हो गे। विशेषकर महिला गृहणि मन ल राहत मिलीस जेन छोटे-छोटे लइका मन ल छोड़के हैण्डपंप म लाइन लगाके अपन पारी के अगोरा करत रहिन।