कोरिया, जल जीवन मिशन के अंतर्गत सोलर आधारित अऊ रेट्रोफिटिंग नल कनेक्शन के माध्यम ले गांव वाले मन के जीवन म होए बदलाव के परिणाम आगू आवत हे। वनांचल के दूरस्थ पहुंचविहिन इलाका मन म घलोक जल जीवन मिशन के तहत टेपनल के माध्यम ले गांव वाले मन ल घर-घर शुद्ध पेय जल उपलब्ध कराए जात हे। कलेक्टर श्री विनय कुमार लंगेह के मार्गदर्शन म जल जीवन मिशन के काम प्राथमिकता ले करे जात हे।
लोक स्वास्थ्य यांत्रिकी विभाग के कार्यपालन अभियंता के बताती जिला के विकासखण्ड बैकुण्ठपुर के ग्राम पंचायत चिरगुड़ा अऊ कोचिला म सोलर आधारित योजना के तहत गांव वाले मन के सपना साकार होए हे। अब ओ मन ल अपन घर-अंगना म ही शुद्ध पेय जल मिले लगे हे। केवटापारा निवासी हितग्राही श्रीमति चन्द्रवती विश्वकर्मा ह बताइस कि जल जीवन मिशन के तहत नल कनेक्शन लगे के पहिली वोला पानी हैण्डपंप ले लाना परत रहिस अऊ गर्मी के दिन म हैंडपंप के पानी के स्तर नीचे हो जाय के सेती पानी बर दूर जाना परत रहिस। जल जीवन मिशन के तहत नल कनेक्शन लग जाय ले अब शुद्ध जल भरपूर मात्रा म मिलत हे। जल जीवन मिशन के उद्देश्य के सार्थकता ग्रामीण महिला मन के चेहरा म खुसी के रूप म झलके लगे हे। घरेलू नल कनेक्शन ले लाभान्वित हितग्राही महिला श्रीमती राम बाई ह बताइस कि नल कनेक्शन ले अब पानी के जम्मो समस्या खतम हो गए हे, एखर बर हम शासन के बहुत-बहुत आभारी हन।
कोरिया: पानी लेहे बर जाना परत रहिस घर ले दूरिहा, अब जल जीवन मिशन के नल कनेक्शन ले घर अंगना म ही मिलत हे शुद्ध पेयजल
