महिला मन ल अब नइ करना परय पानी बर अपन पारी के अगोरा
गांव वाले मन ह राज्य सरकार के मानिन आभार
राजनांदगांव , 10 अगस्त 2024। जल जीवन मिशन योजना के तहत् जिला राजनांदगांव के विकासखंड राजनांदगांव अंतर्गत ग्राम पंचायत तोरनकट्टा अउ ओखर आश्रित ग्राम मनकी म शुद्ध पेयजल मिले ले अब गांव वाले मन के स्थिति पहिली के अपेक्षा सुधरे लगे हे। हर घर नल कनेक्शन लग जाय ले अब महिला मन ल पहिली के जइसे नल के आगू लाईन नइ लगाना परय। एखर से उंखर समय के बचत होथे। उहें शुद्ध पेयजल घलोक मिलत हे। तोरकट्टा ग्राम पंचायत के ग्रामीण अब खुश हे, ऊंखर गांव के हर घरे म पेयजल मिलत हे। शासन के जनकल्याणकारी योजना जल जीवन मिशन अंतर्गत हर घर-नल कनेक्शन ले ग्राम के महिला मन प्रसन्न हे, अब ओ मन ल हैंडपंप के आगू लाइन नइ लगाना परत हे। कलेक्टर अउ अध्यक्ष जिला जल अउ स्वच्छता मिशन श्री संजय अग्रवाल के मार्गदर्शन म लोक स्वास्थ्य यांत्रिकी विभाग के संग ग्राम तोरनकट्टा अउ मनकी म जल जीवन मिशन के तहत डिस्ट्रीब्यूशन 400-400 मीटर के पाइप लाइन बिछाके दुनों गांव के लगभग 304 परिवार ल नल ले जल के पहुचाए जात हे।
