दंतेवाड़ा, हर घर नल ले पानी पहुंचाए खातिर मिशन ‘जल जीवन मिशन’ ह महिला मन के जिंदगी बदल देहे हे। पहिली भिनसरहा के अधिकांश समय परिवार खातिर पानी के इंतजाम करे म महिला मन भिड़े रहंय। अब घर म नल ले पानी आए के बाद राहत के सांस लेवत हें। अब ओ मन ल लइका मन के परवरिश, पढ़ाई-लिखाई, खेती, मजदूरी अऊ आजीविका के आन काम खातिर भरपूर समय मिल जात हे। लोक स्वास्थ्य यांत्रिकी विभाग ह दंतेवाड़ा जिला के गीदम विकासखंड के बिंजाम ग्राम पंचायत म जल जीवन मिशन के माध्यम ले 267 घर मन म नल ले जल पहुंचाए हे। एखर से गांववाले अऊ उहां के महिला मन अड़बड़ खुश हें। गांव ल ’’हर घर जल ग्राम’’ के दर्जा घलोक मिल गए हे।
बिंजाम के अधिकांश परिवार आजीविका खातिर खेती अऊ मजदूरी उपर आश्रित हें। इहां पहिली पेयजल के मुख्य स्रोत हैंडपंप ही रहिस। फेर अब जल जीवन मिशन ले गांव के हर घर म नल ले स्वच्छ अऊ सुरक्षित पेयजल के आपूर्ति होवत हे। जल आपूर्ति खातिर गांव म 16 किलोमीटर ले जादा पाइपलाइन बिछाए गए हे। तीन उच्च स्तरीय जलागार (पानी टंकी) के माध्यम ले हर घर तक पानी पहुंचाए जात हे।
जल जीवन मिशन ह बदलिस जिंदगी : पानी डोहरई ले मिलिस मुक्ति
